فوتو: تجم
دوسىمەن ەسٸل ٶزەنٸن كەسٸپ ٶتۋگە بەستەسكەن 2007 جىلى تۋعان جەتكٸنشەك سۋعا كەتتٸ, دەپ حابارلايدى "ۇلت اقپارات" استانا قالالىق تٶتەنشە جاعدايلار دەپارتامەنتٸنە سٸلتەمە جاساپ.
"12 ماۋسىمدا استانادا ەسٸل ٶزەنٸندە 2007 جىلى تۋعان جاسٶسپٸرٸم سۋعا باتىپ كەتتٸ. بوزبالالار ٶزەننٸڭ بٸر بەتٸنەن كەلەسٸ بەتٸنە جٷزٸپ ٶتۋگە بەستەسكەن. الايدا وقيعا سوڭى, ٶكٸنٸشكە قاراي, جاسٶسپٸرٸمنٸڭ سۋعا باتۋىمەن اياقتالىپ وتىر", - دەلٸنگەن حابارلامادا.
ەلوردالىق قۇتقارۋشىلار ساعات 19:02-دە جەتكٸنشەكتٸڭ دەنەسٸن سۋدان الىپ شىققان.
وسى ورايدا, قالالىق تجد تۇرعىندارعا سۋعا تٷسكەندە قاۋٸپسٸزدٸك ەرەجەلەرٸن ساقتاۋ كەرەكتٸگٸن تاعى بٸر ەسكەرتەدٸ.
