استانادا اۆتوسالون مەنەدجەرٸ ەكٸ اۆتوكٶلٸكتٸ الداۋ جولىمەن يەمدەنٸپ, يەلەرٸنە 23 ميلليون تەڭگە شىعىن كەلتٸرگەنٸ ٷشٸن سوتتالدى, دەپ حابارلايدى ult.kz.
24.kz جازۋىنشا, سوت ماتەريالدارىنا سەيكەس, Changan CS55 Plus پەن Toyota Camry كٶلٸكتەرٸنٸڭ يەلەرٸ ولاردى ساتۋ ٷشٸن اۆتوسالونعا تاپسىرعان. مەنەدجەر كٶلٸكتەرگە ساتىپ الۋشى تابىلعانىن ايتىپ, ساتۋدان تٷسكەن قاراجات بٸرنەشە كٷن ٸشٸندە اۋدارىلاتىنىنا سەندٸرگەن. وسىلايشا ول كٶلٸك يەلەرٸن اۆتوكٶلٸكتەردٸ ٷشٸنشٸ تۇلعانىڭ اتىنا قايتا رەسٸمدەۋگە كٶندٸرگەن.
قۇجاتتار رەسٸمدەلگەننەن كەيٸن سوتتالۋشى كٶلٸكتەردەن تٷسكەن 23 ميلليون تەڭگەنٸ ٶز قاجەتٸنە جۇمساپ جٸبەرگەن. سونىڭ سالدارىنان جەبٸرلەنۋشٸلەرگە ٸرٸ كٶلەمدە ماتەريالدىق شىعىن كەلتٸرٸلگەن.
سوت بارىسىندا مەملەكەتتٸك ايىپتاۋشى ونىڭ كٸنەسٸن تولىق دەلەلدەيتٸن ايعاقتاردى ۇسىندى. سوتتالۋشى ٶز كٸنەسٸن تولىق مويىنداپ, جاساعان ەرەكەتٸنە ٶكٸنەتٸنٸن ايتتى.
سوت ەر ادامدى كٸنەلٸ دەپ تانىپ, ونى 3 جىل 4 ايعا باس بوستاندىعىنان ايىردى. سونىمەن قاتار جەبٸرلەنۋشٸلەردٸڭ كەلتٸرٸلگەن شىعىندى ٶندٸرۋ تۋرالى ازاماتتىق تالاپ-ارىزى تولىق قاناعاتتاندىرىلدى. ٷكٸم زاڭدى كٷشٸنە ەندٸ.
پروكۋراتۋرا مەنشٸككە قارسى قىلمىستار ٷشٸن مٷلكٸ تەركٸلەنٸپ, جەتٸ جىلعا دەيٸن باس بوستاندىعىنان ايىرۋ جازاسى كٶزدەلگەنٸن ەسكە سالىپ, ازاماتتاردى زاڭ تالاپتارىن ساقتاۋعا شاقىردى.
