فوتو: قر مام
روزا باعلانوۆا اتىنداعى «قازاقكونتسەرت» مەملەكەتتٸك كونتسەرتتٸك ۇيىمىندا قازاقستاننىڭ حالىق ەرتٸسٸ, مەملەكەتتٸك سىيلىقتىڭ لاۋرەاتى, قىرعىز رەسپۋبليكاسىنىڭ ەڭبەك سٸڭٸرگەن ەرتٸسٸ, بەلگٸلٸ كومپوزيتور التىنبەك قورازباەۆتىڭ «ەن ەلەمٸ تەلٸمگەرٸ» اتتى شىعارماشىلىق كەشٸ ٶتتٸ, دەپ حابارلايدى Ult.kz.
التىنبەك قورازباەۆ – قازاق مۋزىكا ٶنەرٸنٸڭ كٶرنەكتٸ تۇلعالارىنىڭ بٸرٸ. ونىڭ شىعارمالارى زاماناۋي قازاق ٶنەرٸنٸڭ اجىراماس بٶلٸگٸنە اينالىپ, ۇرپاقتار ساباقتاستىعىن, دەستٷرگە قۇرمەت پەن قوعامنىڭ رۋحاني قۇندىلىقتارىن ايقىن كٶرسەتەدٸ.
كەش باعدارلاماسىندا كومپوزيتوردىڭ قازاق مۋزىكالىق مەدەنيەتٸندە ەرەكشە ورىن العان تۋىندىلارى ورىندالدى. ولاردىڭ قاتارىندا «تۋعان جەر», «شاشباۋلىم», «كٶزٸڭنەن اينالايىن», «اۋىلىم», «ەلگە سەلەم», «ساعىندىم الماتىمدى» جەنە باسقا دا كەڭٸنەن تانىلعان شىعارمالار بار.
كٶرەرمەنگە «استانا» ەسترادالىق-سيمفونييالىق وركەسترٸ مەن «استانا سازى» قازاق مەملەكەتتٸك فولكلورلىق انسامبلٸ سٷيەمەلدەۋٸمەن ورىندالعان ەندەر ۇسىنىلدى. سونداي-اق كەشتە «Gulder» جەنە «بٸرلٸك» انسامبلدەرٸ ٶنەر كٶرسەتتٸ.
ساحناعا التىنبەك قورازباەۆتىڭ شىعارماشىلىعىن قۇرمەتتەيتٸن شەكٸرتتەرٸ مەن ٶنەرپازدار ەن ايتىپ, كەشتٸڭ سەنٸن كەلتٸردٸ.
