استانادا اعزا ترانسپلانتاتسيياسى مەسەلەسٸنە ارنالعان «4739» دەرەكتٸ فيلمٸنٸڭ تۇساۋكەسەرٸ ٶتتٸ. «حابار» اگەنتتٸگٸ تٷسٸرگەن تۋىندى ترانسپلانتولوگ دەرٸگەرلەردٸڭ ەڭبەگٸ, دونورلىقتىڭ ماڭىزى جەنە ٶمٸرلٸك ماڭىزدى وتا كٷتٸپ جٷرگەن ناۋقاستاردىڭ تاعدىرى تۋرالى باياندايدى, دەپ حابارلايدى ult.kz.
ٸس-شاراعا قر پرەمەر-مينيسترٸنٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا, دەنساۋلىق ساقتاۋ مينيسترٸ اقمارال ەلنازاروۆا, دەرٸگەرلەر, عالىمدار, قوعام قايراتكەرلەرٸ, رەتسيپيەنتتەر مەن ولاردىڭ جاقىندارى, سونداي-اق فيلمنٸڭ اۆتورلارى مەن كەيٸپكەرلەرٸ قاتىستى.
ايدا بالاەۆا مەملەكەت باسشىسى قاسىم-جومارت توقاەۆ ۇلت دەنساۋلىعى ەلدٸڭ باستى قۇندىلىقتارىنىڭ بٸرٸ ەكەنٸن ٷنەمٸ اتاپ ٶتەتٸنٸن ايتتى. ونىڭ سٶزٸنشە, مەملەكەت ازاماتتاردىڭ ٶمٸرٸن ساقتاپ قالۋعا باعىتتالعان بارلىق مەديتسينالىق مٷمكٸندٸكتٸ, سونىڭ ٸشٸندە ترانسپلانتاتسييا جٷيەسٸن دە دامىتۋعا ەرەكشە كٶڭٸل بٶلٸپ كەلەدٸ.
فيلمنٸڭ اتاۋى كەزدەيسوق تاڭدالماعان. قازٸرگٸ تاڭدا قازاقستاندا 4739 ادام اعزا ترانسپلانتاتسيياسىن كٷتۋ تٸزٸمٸندە تۇر. ولاردىڭ كٶپشٸلٸگٸ ٷشٸن بۇل – ٶمٸرٸن ساقتاپ قالۋدىڭ جالعىز جولى. الايدا جىل سايىن 350-دەن استام پاتسيەنت قاجەتتٸ دونور تابىلماي, وپەراتسيياعا جەتە الماي قايتىس بولادى.
رەسمي مەلٸمەتكە سەيكەس, سوڭعى بەس جىلدا ەلٸمٸزدە 1 500-گە جۋىق اعزا ترانسپلانتاتسيياسى جاسالعان. ونىڭ ەربٸر تٶرتٸنشٸسٸ 2025 جىلى ورىندالعان. ٶتكەن جىلى عانا بٷيرەك, باۋىر, جٷرەك جەنە ٶكپە ترانسپلانتاتسيياسى بويىنشا 310 وپەراتسييا ٶتكٸزٸلدٸ.
بالالار ترانسپلانتولوگيياسى دا قارقىندى دامىپ كەلەدٸ. بيىل قازاقستاندا العاش رەت بالاعا جٷرەك ترانسپلانتاتسيياسى سەتتٸ جاسالىپ, وتاندىق جوعارى تەحنولوگييالىق مەديتسينانىڭ جاڭا كەزەڭٸ باستالدى.
سونىمەن بٸرگە, ەلٸمٸزدە اعزا ترانسپلانتاتسييالارىنىڭ شامامەن 90 پايىزى تٸرٸ تۋىستىق دونورلاردىڭ قاتىسۋىمەن جٷزەگە اسادى. ال قايتىس بولعاننان كەيٸنگٸ دونورلىقتىڭ ٷلەسٸ 10 پايىزعا دا جەتپەيدٸ.
بٷگٸندە ەلەكتروندىق ٷكٸمەت پورتالى ارقىلى قايتىس بولعاننان كەيٸنگٸ دونورلىققا قاتىستى ٶز ۇستانىمىن 172 283 ادام بٸلدٸرگەن. ونىڭ ٸشٸندە 16 109 ازامات كەلٸسٸم بەرسە, 156 174 ادام باس تارتقان.
24KZ تەلەارناسىنىڭ جۋرناليسٸ نازەركە توقجان مەن رەجيسسەر بەرٸك شاروۆ تٷسٸرگەن «4739» دەرەكتٸ فيلمٸ پاتسيەنتتەر مەن دەرٸگەرلەردٸڭ شىنايى وقيعالارى ارقىلى ادام ٶمٸرٸنٸڭ قۇندىلىعى, دونورلىق مەدەنيەتٸ جەنە دەر كەزٸندە قابىلدانعان شەشٸمنٸڭ ماڭىزىن كٶرسەتەدٸ. تۋىندى كٶرەرمەنگە 24 شٸلدە كٷنٸ ساعات 19:30-دا 24KZ تەلەارناسىنان ۇسىنىلادى.
