نۇر-سۇلتان قالاسىنىڭ پاترۋلدٸك پوليتسييا پولكٸنٸڭ قىزمەتكەرلەرٸ ٸز كەسۋ ارقىلى ۇرلىق جاساعان كٷدٸكتٸنٸ قولعا تٷسٸردٸ, دەپ حابارلايدى "ۇلت اقپارات" نۇر-سۇلتان قالاسى پد باسپاسٶز قىزمەتٸنە سٸلتەمە جاساپ.
قىلمىس تۋرالى پوليتسەيلەرگە 78 جاستاعى زەينەتكەر حابارلادى.
ونىڭ ايتۋىنشا, تٷس كەزٸندە ول بەيسەكوۆا كٶشەسٸ بويىمەن ٷيٸنە كەلە جاتقان. سول كەزدە جاس جٸگٸت جاقىنداپ, قاي جەردەن تٷستەنٸپ الۋعا بولاتىنىن سۇرايدى.
ەشتەڭەدەن كٷدٸكتەنبەگەن قارييا جولدى تٷسٸندٸرە باستاعاندا, جٸگٸت ونى جۇدىرىقپەن ۇرىپ جٸبەرگەن.
ۇرى كٷش كٶرسەتٸپ, اقشاسى, قۇجاتى مەن ەكٸ ۇيالى تەلەفون سالىنعان سٶمكەسٸن ۇرلاپ, قاشىپ كەتكەن.
گاراجدار ماڭىندا سٶمكەدەن اقشانى, تەلەفوندى الىپ, قۇجاتتاردى لاقتىرىپ كەتكەن.
نۇر-سۇلتان قالاسى پوليتسييا دەپارتامەنتٸنٸڭ جەدەل باسقارۋ ورتالىعى قىزمەتكەرلەرٸ تەز ارادا ەرەكەت ەتٸپ, كٷدٸكتٸنٸ انىقتاپ, 30 جاستاعى ەر ادامدى قولعا تٷسٸردٸ.
ۇستالعان ازامات بۇرىن قىلمىستىق جاۋاپقا تارتىلعانى بەلگٸلٸ بولدى.
ول ۋاقىتشا ۇستاۋ يزولياتورىنا قامالدى.
«ۇرلىق» بابى بويىنشا قىلمىستىق ٸس قوزعالدى.
