استانادا اۋتيزمٸ بار 322 بالا كٶمەك الۋ ٷشٸن كەزەكتە تۇر. بۇل تۋرالى نۇر-سۇلتان قالاسى بٸلٸم باسقارماسى باسشىسىنىڭ ورىنباسارى مارجان قايىرباەۆا مەسليحات جيىنىندا ايتتى, دەپ حابارلايدى قازاقپارات.
«قالادا ەكٸ وڭالتۋ ورتالىعى, تٶرت پسيحولوگييالىق-پەداگوگيكالىق كوررەكتسييا كابينەتٸ جەنە اۋتيزمگە شالدىققان بالالاردى قولداۋعا ارنالعان ورتالىق جۇمىس ٸستەيدٸ. وڭالتۋ ورتالىقتارىندا ورتا ەسەپپەن جىلىنا 500-600 ەرەكشە بٸلٸم بەرۋ مۇقتاجدىعى بار بالا, ونىڭ ٸشٸندە مٷگەدەك بالالار دا پسيحولوگييالىق-پەداگوگيكالىق كٶمەك الادى. اۋتيزمگە شالدىققان بالالاردى پسيحولوگييالىق-پەداگوگيكالىق قولداۋ جەنە تٷزەتۋ ورتالىقتارىنىڭ ەدەتتەگٸ قولداۋ كابينەتتەرٸنەن ايىرماشىلىعى دەرٸگەر-نەۆروپاتولوگ, دەرٸگەر-وڭالتۋشى, مەيٸربيكە-ماسساجيست, ەمدٸك دەنە شىنىقتىرۋ ماماندارى قىزمەت كٶرسەتەتٸنٸندە», - دەدٸ ەكٸمدٸك ٶكٸلٸ.
سونداي-اق, ول اتالعان مەكەمەلەردٸڭ قىزمەتٸنە قانشا ادام مۇقتاج ەكەنٸن اتادى.
«اۋتيزمٸ بار بالالارعا قىزمەتتەر پسيحولوگييالىق-مەديتسينالىق-پەداگوگيكالىق كوميسسييالاردىڭ قورىتىندىسى بويىنشا كٶرسەتٸلەدٸ. تٸركەۋ الىنعان 1017 بالانىڭ 472-سٸ باعدارلاما بويىنشا كٶمەك الىپ, اياقتاعان. قازٸر 82 بالا كۋرس الىپ جٷر. كەزەكتە 322 بالا تۇر. ونىڭ 137-سٸ 3 جاسقا جەتپەگەن بالالار», - دەدٸ مارجان قايىرباەۆا.
