قايعىلى وقيعا كەزٸندە بالانىڭ اناسى ٷيدە بولعان, دەپ حابارلايدى قازاقپارات اگەنتتٸگٸ نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«5 شٸلدە كٷنٸ كەشكٸ ساعات 21:57-دە كٶپقاباتتى تۇرعىن ٷيدٸڭ 13-قاباتىنان 3 جاسار قىز دٷكەننٸڭ كٷنقاعارىنا (كوزىرەك) قۇلادى. العان جاراقاتتان سەبي وقيعا ورنىندا مەرت بولدى. وقىس وقيعا كەزٸندە بالانىڭ اناسى ٷيدە بولعان», - دەلٸنگەن قالالىق پوليتسييا دەپارتامەنتٸ تاراتقان حابارلامادا.
ەلوردانىڭ يۋۆەنالدى پوليتسييا ينسپەكتورلارى بالالاردىڭ كٶپقاباتتى ٷيلەردٸڭ تەرەزەسٸنەن قۇلاپ كەتۋ فاكتٸلەرٸنە جول بەرمەۋ ماقساتىندا تۇرعىندار اراسىندا تٷسٸندٸرۋ جەنە پروفيلاكتيكالىق جۇمىستاردى جيٸ ٶتكٸزٸپ تۇرادى.
«جازاتايىم وقيعالاردىڭ دەنٸ اتا-انالاردىڭ بالالاردىڭ قاۋٸپسٸزدٸگٸنە نەمقۇرايلى قاراۋىمەن بايلانىستى. بالا ەرەسەكتەردٸڭ نازارىنان تىس قالىپ, تەرەزە اشىق قالعان جاعدايدا قۇلاۋ قاۋپٸ جوعارى», - دەيدٸ ۆەدومستۆودان.
وسىعان وراي نۇر-سۇلتان قالاسىنىڭ پوليتسييا دەپارتامەنتٸ اتا-انالارعا بالالاردى تەرەزەدەن قۇلاۋدان قورعاۋعا قاتىستى ۇسىنادى:
- بالا ٷيدە بولعان كەزدە تەرەزەلەردٸ جاۋىپ جٷرٸڭٸز. سٸز بالانىڭ قاسىندامىن دەپ ويلايسىز, دەگەنمەن بالانى بٸرنەشە سەكۋند نازاردان تىس قالدىرۋ قايعىلى جاعدايمەن اياقتالۋى مٷمكٸن;
– ەشقاشان موسكيت تورلارىنا سەنبەڭٸز, بالالار وعان سٷيەنٸپ, قورعاۋ قۇرالىمەن بٸرگە قۇلاپ كەتەدٸ;
- بالا تەرەزەنٸ ٶز بەتٸنشە اشا الماۋى ٷشٸن تەرەزەلەرگە ارنايى قورعاۋ جٷيەلەرٸن (بەكٸتكٸشتەر, بلوكيراتورلار) ورناتىڭىز;
- ٷيدەگٸ جيھازدى تەرەزەدەن اۋلاق ۇستاڭىز. بۇل بالانىڭ تەرەزە الدىنا كەزدەيسوق تاپ بولۋىنا جول بەرمەيدٸ.
