"استانا" مەديتسينالىق ۋنيۆەرسيتەتٸنٸڭ رەكتورى مەجيت شايداروۆ جوعارى بٸلٸمٸن ەرٸ قاراي جالعاستىرۋ ٷشٸن وقۋعا تٷسكەن كەزدە اعىلشىن تٸلٸنەن جالعان سەرتيفيكاتتار تاپسىرعانى ٷشٸن جٷزدەن استام ستۋدەنتتٸڭ جوو-نان شىعارىلۋىنا قاتىستى پٸكٸر بٸلدٸردٸ, دەپ حابارلايدى ۇلت.كز تٸلشٸسٸ Sputnik Kazakhstan اگەنتتٸگٸنە سٸلتەمە جاساپ.
رەكتوردىڭ ايتۋىنشا, ول وسى رەزيدەنتتەر, ماگيسترانتتار مەن دوكتورانتتاردى شاقىرىپ, سەرتيفيكاتتارىنىڭ British Council تٸزٸمٸندە جوق ەكەنٸن ەسكەرتكەن ەكەن.
"نەسٸنە جاسىرامىز, ولار سەرتيفيكاتتىڭ جالعان ەكەنٸن جاقسى بٸلدٸ. بٸز ولاردىڭ ار-ۇياتى وياناتىن شىعار دەپ كٷتتٸك. قۇقىق قورعاۋ ورگاندارىنىڭ ٸسكە ارالاسقانىن بٸلە تۇرا, وقۋدان كەتۋ تۋرالى ارىزدى ٶزدەرٸ جازۋى تيٸس بولاتىن. مەنٸڭشە, ولار ٶز بەتٸمەن ارىز جازىپ, وقۋدان شىعۋى كەرەك ەدٸ. بٸرازى سولاي ٸستەدٸ, دەگەنمەن وسى كٷنگە دەيٸن 84 ادام سەرتيفيكاتىمىز جالعان ەمەس دەپ جٷرە بەرگەن", — دەيدٸ شايداروۆ بەيسەنبٸ كٷنٸ باسپاسٶز مەسليحاتىندا.
رەكتور اتاپ ٶتكەندەي, جالعان سەرتيفيكاتتاردى جوو-داردا تاراتىپ جٷرگەن ادامدى ٸزدەپ تابۋ قاجەت.
"بٸلٸم الۋشىلاردىڭ ٶزٸمەن سٶيلەسٸپ, "سەرتيفيكاتتاردى قايدان الدىڭدار?"دەپ سۇراعانىمدا, كٷمٸلجٸپ, "كٶشەدە بٸر ەيەل جولىعىپ, سەرتيفيكات الۋدى ۇسىندى" دەپ جاۋاپ بەردٸ. بۇل ەندٸ بالانىڭ سٶزٸ ەمەس پە? بٸلدەي دەرٸگەر بولىپ جٷرگەن ادام سولاي دەي مە?", — دەيدٸ شايداروۆ.
"جالپى, وقۋدان شىعارىلعان بٸلٸم الۋشىلاردىڭ ٷلگەرٸمٸ جاقسى بولاتىن جەنە تەك بٸر رەزيدەنت ٷلگەرٸمٸنٸڭ ناشارلىعىنا بايلانىستى ۋاقىتىندا وقۋدان شىعارىلدى. سەرتيفكات داۋىنا بايلانىستى وقۋدان شىعارىلعان 117 بٸلٸم الۋشىنىڭ 82-سٸ رەزيدەنتۋرادا, 24-ٸ ماگيستراتۋرادا جەنە 11-ٸ دوكتورانتۋرادا وقيتىن. سونىڭ ٸشٸندە, 66 ازامات بٸرٸنشٸ وقۋ جىلىندا, 51 ازامات ەكٸنشٸ جىلىندا وقۋدان شىعارىلدى. سونىمەن قاتار, اي سايىن ماگيسترانتتار ٷشٸن 61 561 تەڭگە, رەزيدەنتتەر ٷشٸن 67 مىڭ جەنە دوكتورانتتار ٷشٸن 81 مىڭ تەڭگە شەكٸرتاقى تٶلەنەتٸن. ال, بٸلٸم الۋ شىعىندارى, ماگيسترانتتار, رەزيدەنتتەر جەنە دوكتورانتتار ٷشٸن سەيكەسٸنشە 65 مىڭ, 67 مىڭ جەنە 120 مىڭ تەڭگە بولاتىن", - دەگەن جوو باسشىسى سەيكەس سوت شەشٸمٸ شىققاننان كەيٸن بۇل قاراجات مەملەكەت پايداسىنا قايتا ٶندٸرٸلەتٸنٸن ايتتى.
كەشە بەلگٸلٸ بولعانداي, ەلوردالىق "استانا" مەديتسينالىق ۋنيۆەرسيتەتٸنٸڭ جٷزدەن استام ستۋدەنتٸ ماگيستراتۋراعا تٷسكەن كەزدە جالعان IELTS سەرتيفيكاتتارىن پايدالانعانى ٷشٸن وقۋدان شىعارىلعان. ستۋدەنتتەر جوعارى بٸلٸم مەن شەكٸرتاقىعا جۇمسالعان مەملەكەتتٸك قاراجاتىن قايتارۋى تيٸس.
