قازاقستان سولتٷستٸك كورەيانىڭ سۋتەگٸ بومباسىن سىناعانىن تاعى دا ايىپتاپ, پحەنياندى يادرولىق پيعىلىنان باس تارتۋعا جەنە كٶپ جاقتى كەلٸسسٶزگە قايتا ورالۋعا شاقىردى. بۇل جايىندا قازاقستان سىرتقى ٸستەر مينيسترلٸگٸنٸڭ "سولتٷستٸك كورەيانىڭ يادرولىق سىناعىنا قاتىستى" جاساعان مەلٸمدەمەسٸندە ايتىلادى.
3 قىركٷيەكتە پحەنيان قۇرلىقارالىق بالليستيكالىق زىمىرانعا ورناتۋعا بولاتىن سۋتەگٸ بومباسىن سىناعانىن حابارلاعان. اقش-تىڭ بۇۇ-داعى ەلشٸسٸ نيككي حەيلي 4 قىركٷيەكتە بۇۇ قاۋٸپسٸزدٸك كەڭەسٸنٸڭ شۇعىل جيىنىندا سٶيلەپ, سولتٷستٸك كورەياعا قارسى تەزٸرەك قاتاڭ شارالار قابىلداۋعا شاقىردى.
"قازاقستان سولتٷستٸك كورەيانىڭ بۇۇ قاۋٸپسٸزدٸك كەڭەسٸنٸڭ قارارلارىن بۇزىپ مۇنداي ەرەكەتتەر جاساۋى ورىنسىز ەكەنٸن جەنە ونى ايىپتايتىنىن مەلٸمدەيدٸ. قازاقستان سولتٷستٸك كورەيا باسشىلىعىنىڭ بۇل ٸسٸ ەلەمدٸك قاۋىمداستىقتىڭ يادرولىق قارۋدان باس تارتۋ جەنە ونى تاراپتاۋ, قارۋسىزدانۋدا جۇمساپ جاتقان كٷش-جٸگەرٸنە ەلەۋلٸ نۇقسان كەلتٸرٸپ, كورەي تٷبەگٸندەگٸ جەنە جالپى تۇتاس ايماقتاعى قاۋٸپسٸزدٸك پەن تىنىشتىققا قاتەر تٶندٸرەدٸ دەپ بٸلەدٸ" دەلٸنگەن مينيسترٸك مەلٸمدەمەسٸندە.
