قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ ەلورادادا قۇرىلىسى بٸتپەي قالعان Astana LRT جوباسىنا جاۋاپتىلاردى ٸزدەۋگە قاتىستى تٷسٸنٸك بەردٸ, دەپ حابارلايدى قازاقپارات اگەنتتٸگٸ.
ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا تٸلشٸ انتيكور باسشىسىنا «مەجٸلٸستە دەپۋتاتتار شەتەلگە قاشىپ كەتكەن Astana LRT ٸسٸ بويىنشا قىلمىستىڭ نەگٸزگٸ فيگۋرانتتارى ەلوردا ەكٸمٸنٸڭ بۇرىنعى ورىنباسارى قانات سۇلتانبەكوۆ پەن Astana LRT بۇرىنعى باسشىسى تالعات ارداننىڭ حالىقارالىق ٸزدەۋدە ەكەنٸنە كٷمەن كەلتٸرگەن بولاتىن. سونداي-اق, بيىل تامىزدا كەيبٸر باق ٶكٸلدەرٸ ولاردىڭ ينتەرپولدىڭ ٸزدەۋ تٸزٸمٸندە جوق ەكەنٸ تۋرالى حابار تاراتتى. وسىعان بايلانىستى پٸكٸر بٸلدٸرسەڭٸز, ولار حالىقارالىق ٸزدەۋدە مە?» دەگەن ساۋالىن جولدادى.
«ولار حالىقارالىق ٸزدەۋدە, ياعني ينتەرپولدىڭ باقىلاۋىندا. ال شەتەلدە ۇستالعان ازاماتتاردى قازاقستانعا قايتارۋ - ەر ەلمەن جەكە قارالاتىن مەسەلە. بٸزدە بارلىق ەلدەرمەن بٸردەي ەكستراديتسييالاۋ مەسەلەسٸ جولعا قويىلماعان. وسى ورايدا بٷگٸندە قازاقستان گرەكو حالىقارالىق ۇيىمىنا مٷشە بولىپ كٸردٸ. ەندٸگٸ ۋاقىتتا بٸز ەلدەن سىبايلاس جەمقورلىق جاساپ شەتەلگە قاشقان قىلمىسكەرلەردٸ ٸزدەۋ, ۇستاپ بەرٸپ, ونى ەلگە قايتارۋ باعىتىندا اۋقىمدى جۇمىستى قولعا الىپ جاتىرمىز. ٶيتكەنٸ, بۇل - ۇزاق پروتسەسس, قىلمىسكەردٸ شەتەلدەن ۇستاعاننىڭ ٶزٸندە بٸر كٷننٸڭ ٸشٸندە ونى قازاقستانعا ەكەلە المايسىڭ. ال سٸز ايتقان كٸسٸلەردٸڭ ينتەرپولدىڭ ٸزدەۋ تٸزٸمٸندە بار ەكەنٸن تاعى دا ايتقىم كەلەدٸ», - دەپ جاۋاپ بەردٸ مارات احمەتجانوۆ.
