QR Sybailas jemqorlyqqa qarsy is-qimyl agenttiginiń tóraǵasy Marat Ahmetjanov eloradada qurylysy bitpei qalǵan Astana LRT jobasyna jaýaptylardy izdeýge qatysty túsinik berdi, dep habarlaidy QazAqparat agenttigi.
Ortalyq kommýnikatsiialar qyzmetinde ótken baspasóz máslihatynda tilshi Antikor basshysyna «Májiliste depýtattar shetelge qashyp ketken Astana LRT isi boiynsha qylmystyń negizgi figýranttary elorda ákiminiń burynǵy orynbasary Qanat Sultanbekov pen Astana LRT burynǵy basshysy Talǵat Ardannyń halyqaralyq izdeýde ekenine kúmán keltirgen bolatyn. Sondai-aq, biyl tamyzda keibir BAQ ókilderi olardyń interpoldyń izdeý tiziminde joq ekeni týraly habar taratty. Osyǵan bailanysty pikir bildirseńiz, olar halyqaralyq izdeýde me?» degen saýalyn joldady.
«Olar halyqaralyq izdeýde, iaǵni interpoldyń baqylaýynda. Al shetelde ustalǵan azamattardy Qazaqstanǵa qaitarý - ár elmen jeke qaralatyn másele. Bizde barlyq eldermen birdei ekstraditsiialaý máselesi jolǵa qoiylmaǵan. Osy oraida búginde Qazaqstan GREKO halyqaralyq uiymyna múshe bolyp kirdi. Endigi ýaqytta biz elden sybailas jemqorlyq jasap shetelge qashqan qylmyskerlerdi izdeý, ustap berip, ony elge qaitarý baǵytynda aýqymdy jumysty qolǵa alyp jatyrmyz. Óitkeni, bul - uzaq protsess, qylmyskerdi shetelden ustaǵannyń ózinde bir kúnniń ishinde ony Qazaqstanǵa ákele almaisyń. Al siz aitqan kisilerdiń interpoldyń izdeý tiziminde bar ekenin taǵy da aitqym keledi», - dep jaýap berdi Marat Ahmetjanov.
