Open Air جىرى...
نەمەسە استانا كٷنٸنە رەسەي ەنشٸلەرٸن شاقىرا بەرۋدٸ قاشان توقتاتامىز?!
سوندا رەسەي ەنشٸلەرٸن شاقىرماۋ كەرەك پە, - دەپ سۇرادى مەنەن استانا قالاسى ەكٸمٸنٸڭ ورىنباسارى ەرمەك امانشاەۆ اعامىز. شاقىرۋدىڭ رەتٸ بولادى, شاقىرىڭىزدار, بٸراق مەملەكەتتٸك مەرەكەمٸزدە ٶز ەنشٸلەرٸمٸز تۇرعاندا, ٶزگە ەلدٸڭ ەنشٸلەرٸن لەك-لەگٸمەن الدىرىپ, التى ساعاتتىق كونتسەرت بەرۋ ارتىق دەپ جاۋاپ بەردٸم. ەندٸ ەڭگٸمە قاي جەردە, نەدەن باستالدى, نە تۋرالى بولدى, سوعان توقتالسام. ەزٸرەت سۇلتان مەشٸتٸندە استانا ەكٸمٸ ەسەت ٶرەنتايۇلىنىڭ اتىنان بەرٸلگەن اۋىزاشاردان شىعىپ تۇرعان سەتٸمٸز ەدٸ. تەاتر اكتەرٸ نۇركەن ٶتەۋٸل استانا ەكٸمٸنٸڭ ورىنباسارى ەرمەك ەمٸرحانۇلىمەن سٶيلەسٸپ كەلە جاتىر ەكەن. جانىمىزدا ايتىسكەر اقىن سەرٸكزات دٷيسەنعازى, اقىن باۋىرجان قاراعىزۇلى, تاعى بٸرنەشە جٸگٸت تۇرعان. ەڭگٸمەگە مەن دە ارالاسىپ, ەرمەك اعامىزعا استانا ەكٸمدٸگٸنٸڭ مەدەنيەت باعىتىنداعى بٸرنەشە جۇمىسىنا كٶڭٸلٸم تولمايتىنىن, ٷنەمٸ رەسەيگە ەلٸكتەپ, سولاردان ەنشٸ شاقىراتىنىن, ولارعا بيۋدجەتتەن قانشا قارجى شىعىندالاتىنىن ەلدٸڭ بٸلمەيتٸنٸن, جالپى Open Air دەگەن اشىق اسپان استىنداعى كونتسەرتكە رەسەي ەنشٸلەرٸنٸڭ جىل سايىن سونشا كٶپ شاقىرىلاتىنىن تٷسٸنبەيتٸنٸمدٸ, بۇعان قارسى ەكەنٸمدٸ ايتقانىمدا, ەكٸم ورىنباسارىنىڭ ەڭگٸمە باسىندا كەلتٸرٸلگەن «تاڭقالعان جاۋابىن» ەستٸدٸم.
اقپارات ٷشٸن ايتا كەتسەم: 29 مامىردا استانا ەكٸمدٸگٸنٸڭ مەدەنيەت جەنە سپورت باسقارماسىنىڭ مۇرىندىق بولۋىمەن, «قازاق ەلٸ» مونۋمەنتٸ الدىندا, استانامىزدىڭ 20 جىلدىق مەملەكەتتٸك مەرەكەسٸنە ارنالعان ەڭ العاشقى شارا - Open Air كونتسەرتٸ ٶتتٸ. دەنٸ رەسەي ەسترادا جۇلدىزدارى قاتىسقان كونتسەرتتٸڭ اتى «ۇلى دالا بٸرلٸگٸ» دەپ اتالىپتى. رەسەيدەن ديما بيلان, يۋليانا كاراۋلوۆا, سەرگەي لازارەۆ, اننا سەدوكوۆا, ناتان, اننا سەمەنوۆيچ, دجيگان, ەلەنا تەمنيكوۆا, تيمۋر رودريگەز, ماكس بارسكيح, ميشا مارۆين, «گرادۋسى» توبى, Artik&Asti جەنە باسقالارى, ال ٶز ەلٸمٸزدەن قايرات نۇرتاس, ايقىن, مەدينا سەدۋاقاسوۆا, كەمشات جولدىباەۆا, ەلٸشەر كەرٸموۆ, ەركە ەسماحان, رينات مالتساگوۆ, Ringo جەنە Ninety One توبى ٶنەر كٶرسەتتٸ. بٸر اقپاراتتا 50 مىڭ, تاعى بٸرٸندە 100 مىڭ ادام جينالدى دەلٸنگەن. سونشا كٶپ ادام تارتتىق, بۇل اسا ماڭىزدى دەگەن ۇستانىمدارى بولسا كەرەك. ٶكٸنٸشتٸسٸ سول, رەسەيدەن شاقىرىلعان ەنشٸلەرگە بٸزدٸڭ كٶرەرمەن سونشا ىنتىزار دەۋگە كەلمەيدٸ. استانا قالاسى مەدەنيەت جەنە سپورت باسقارماسىنىڭ باسشىسى بولات ماجاعۇلوۆتىڭ ٶزٸ ايتقانداي, جينالعانداردىڭ باسىم بٶلٸگٸ «91» توبىن تىڭداۋ ٷشٸن كەلگەن. رەسەي ەنشٸلەرٸ ٷنەمٸ شاقىرىلاتىن Open Air كونتسەرتٸنٸڭ بيىل تٶرتٸنشٸ مەرتە ۇيىمداستىرىلىپ وتىرعانىن دا ايتا كەتكەن جٶن.
ەندٸ مەندە سۇراق: رەسەيدٸڭ مەملەكەتتٸك مەرەكەسٸنە قازاق ەلٸنەن قانشا ەنشٸ شاقىرىلادى? شاقىرىلا ما ٶزٸ? بٸزگە كەلگەن (كەلەتٸن) رەسەي ەنشٸلەرٸنە قانشا قارجى بٶلٸندٸ, قايدان بٶلٸندٸ جەنە كٸم رۇقسات بەردٸ? دوستىعىمىز بەن بٸرلٸگٸمٸزدٸ كٶرسەتكٸسٸ كەلسە رەسەيدەن, ٶزبەكستان, قىرعىز ەلٸ, باسقا دا الىس-جاقىن ەلدەردەن نەگە بٸر-بٸرلەپ ەنشٸ شاقىرىلمايدى? نەلٸكتەن بٸز ٷنەمٸ رەسەيدەن شاقىرامىز? نەگە بٸز رۋحانيياتىمىزعا قاتىسى جوق وسىنداي شارالارعا رۋحاني جاڭعىرۋدىڭ بەلگٸسٸن قويىپ قويامىز?
ايتپاقشى, ەرمەك امانشاەۆپەن بولعان قىسقا ەڭگٸمە بارىسىندا, بٸز ٶز ٶنەرٸمٸزدٸ تٷگەندەپ وتىرمىز, سوندىقتان رەسەيدەن شاقىرعاننىڭ دا ايىبى جوق دەگەن پٸكٸر ايتىلدى. كەلٸسپەيمٸن. شەتتەن كەلگەندەر مەملەكەتتٸڭ قولداۋىمەن قىمبات, زەۋلٸم سارايلاردا ٶنەر كٶرسەتٸپ جاتقاندا, بٸزدٸڭ «شانشار», «الداراسپان» سيياقتى ٶنەر ۇجىمدارى ٶز ەسەبٸنەن جارتىلاي قاراڭعى, كونتسەرت ٶتكٸزۋگە ارنالماعان جەرلەردە حالىق جيناۋعا مەجبٷر. «ٶنەر قىراندارى» سيياقتى قولداۋشىسى جوق تەاترلاردىڭ جايى ايتپاسا دا تٷسٸنٸكتٸ. وسى جەردە وقىرماندارعا سۇراعىم: استانانىڭ 20 جىلدىعىندا قانداي ەنشٸلەردٸ, تەاترلاردى, باسقا دا ٶنەر ۇجىمدارىن قولداۋ كەرەك دەپ سانايسىز? مٷمكٸن بۇل ۇسىنىسىمىزدى استانا ەكٸمدٸگٸ قابىل الار?
جىعىلعانعا جۇدىرىق دەمەكشٸ, استانا كٷنٸنە وراي رەسەي كوماندالارىنىڭ قاتىسۋىمەن كۆن-نەن ەۋرازييا كۋبوگى ٶتەتٸن بولىپتى. جارناماسىن قاتەلەسٸپ «كۋبوگٸ» دەپ جازىپ قويعان. ويىنعا رەسەيدەن التى, بٸزدەن ەكٸ توپ قاتىسادى. ال, ٶز جاستارىمىزعا جاقىن «جايدارمان» ويىنشىلارى استانا كٷنٸندە بار ما ەكەن ٶزٸ?
مەدي ماناتبەكتٸڭ فەيسبۋكتەگٸ جازباسىنان
