ەلوردادا ٶتٸپ جاتقان استانا كلۋبىنىڭ 6-وتىرىسى كٷنتەرتٸبٸندەگٸ باستى مەسەلە پاندەمييا سالدارىن جويۋعا قاتىستى بولادى. بۇل جايىندا ەلەمدٸك ەكونوميكا جەنە ساياسات ينستيتۋتىنىڭ ساراپشىسى جۇمابەك سارابەكوۆ ايتتى, دەپ حابارلايدى قازاقپارات تٸلشٸسٸ.
«كٷنتەرتٸبٸندەگٸ باستى مەسەلە – پاندەمييا. جالپى ەلەم حالقىن الاڭداتىپ وتىرعان دا وسى مەسەلە ەكەنٸ بەلگٸلٸ. وسى «پاندەمييادان قالاي شىعامىز?», «ەكونوميكامىزدى قالپىنا كەلتٸرۋ پروتسەسٸ قالاي جٷرەدٸ?» دەگەن مەسەلەلەر تالقىعا تٷسپەك. پاندەمييادان كەيٸن جاڭا ەلەمگە اياق باسقالى وتىرمىز. ال سول ەلەم قانداي بولماق, ەرەجەلەرٸ قانداي بولماق? 6-شى وتىرىستىڭ اياسىندا قازاقستان تەۋەلسٸزدٸگٸنٸڭ 30 جىلدىعىنا ارنالعان سەسسييا ۇيىمداستىرىلادى. سەسسييا بارىسىندا ەلٸمٸزدٸڭ 30 جىلدا جٷرٸپ ٶتكەن جولىنا قورىتىندى جاساپ, «الداعى ۋاقىتتا قازاقستاندى قانداي قاۋٸپ-قاتەرلەر كٷتٸپ تۇر?» «قانداي مٷمكٸندٸكتەرٸمٸز بار?», «قاي باعىتتا قوزعالۋىمىز كەرەك?» دەگەن مەسەلەلەردٸ تالقىلايمىز», - دەدٸ وتىرىس اياسىندا باق ٶكٸلدەرٸنە بەرگەن سۇحباتىندا.
ونىڭ اتاپ ٶتۋٸنشە, استانا كلۋبى اياسىندا ەلەمنٸڭ ٷزدٸك ساراپشىلارى, مەملەكەت قايراتكەرلەرٸ ەلورداعا جينالىپ, كٶپشٸلٸكتٸ تولعاندىرعان ٶزەكتٸ سۇراقتارعا جاۋاپ بەرەدٸ.
«وتىرىس 3 كٷنگە جالعاسادى. وسى ٷش كٷننٸڭ ٸشٸندە الدىمىزدا تۇرعان جاھاندىق مەسەلەلەردٸ شەشە المايتىندىعىمىز تٷسٸنٸكتٸ. بٸراق, ٶزٸمٸزگە قاجەتتٸ سۇراقتاردى ساراپشىلارعا قويىپ, سوعان جاۋاپ الامىز. جالپى, القالى جيىنعا ەلەمنٸڭ 20 ەلٸنەن 30-عا جۋىق سپيكەر وفلاين فورماتتا قاتىسىپ جاتىر. مۇنان بٶلەك بٸراز سپيكەرٸمٸز ونلاين رەجيمدە قاتىسادى. جالپى 55 سپيكەر بولادى», - دەدٸ جۇمابەك سارابەكوۆ.
