دەليدەن استاناعا ۇشىپ كەلگەن جولاۋشى قانداي اۋرۋعا شالدىققانى 2 كٷننەن كەيٸن ناقتى انىق بولادى. بۇل تۋرالى بٷگٸن ٷكٸمەت وتىرىسىنان كەيٸن باق ٶكٸلدەرٸنە ەلٸمٸزدٸڭ باس سانيتارلىق دەرٸگەرٸ جانداربەك بەكشين مەلٸم ەتتٸ, دەپ حابارلايدى قازاقپارات تٸلشٸسٸ.
«دياگنوزىن ناقتىلاۋ ٷشٸن ولارعا جۇقپالى اۋرۋلار ارۋحاناسىنا جاتۋ ۇسىنىلعان ەدٸ. ناۋقاستار ۇزاق ۋاقىت بويى كەلٸسپەي قويدى. تٷپتەپ كەلگەندە ولار باكتەريولوگييالىق-زەرتحانالىق زەرتتەۋدەن ٶتۋ ٷشٸن اۋرۋحاعا جاتقىزىلدى. سودان كەيٸن ولار ەرەسەكتەرگە ارنالعان جۇقپالى اۋرۋلار اۋرۋحاناسىندا جەكە ورىنعا وقشاۋلاندىرىلىپ, ساراپتاما الىندى. ناقتى دياگنوز قويۋ ٷشٸن پوليمەرازالىق تٸزبەكتٸ رەاكتسيياعا, يممۋنوفەرمەنتتٸك ساراپتاماعا ٷش وڭ زەرتتەۋ قاجەت. زەرتتەۋ كلاسسيكالىق ەدٸسپەن جٷرگٸزٸلەدٸ. ناقتى دياگنوز 2-3 كٷننەن كەيٸن قويىلادى. الدىن الا دياگنوزى - «انىقتالماعان ەتيولوگييانىڭ ٶتكٸر ٸشەك ينفەكتسيياسى». بٸراق بٸز تىرىسقاق كٷدٸگٸمەن دە جۇمىس جاساپ جاتىرمىز», - دەدٸ ول.
سونىمەن قاتار بەكشين ناۋقاس ۇشىپ كەلگەن ۇشاققا تولىقتاي زارارسىزداندىرۋ جۇمىستارى جٷرگٸزٸلگەنٸن ايتتى.
«ەۋەجايدىڭ بارلىق قىزمەتتەرٸ جۇمىلا جۇمىس ٸستەدٸ. ۇشاق قونار الدىندا شۇعىل شتاب ٶتٸپ, تٷسٸندٸرۋ جۇمىستارى ٷشٸن ۇشاق قوناتىن ورىن انىقتالدى. جٷكتەر, كٶلٸك, اۆتوبۋس زارارسىزداندىرىلدى. 30 مينۋتتان كەيٸن جولاۋشىلار شەكارالىق باقىلاۋدان ٶتۋگە جٸبەرٸلدٸ», - دەدٸ باس سانيتار دەرٸگەر.
ەسكە سالا كەتەيٸك, بٸر جولاۋشىنىڭ تىرىسقاق اۋرۋىن جۇقتىرۋى مٷمكٸن دەگەن اقپارات كەشە كەشكٸ ساعات 19:30-دا تٷسكەن. Air Astana ۇشاعى دەليدەن استاناعا ۇشىپ كەلە جاتقان. لاينەر ەلوردا ەۋەجايىنا 23:50-دە جەتتٸ, ۇشاق بورتىندا 136 جولاۋشى بولعان.
تىرىسقاق جۇقتىرعان بولۋى مٷمكٸن دەگەن ۋكراينا ازاماتىنىڭ قىزۋى كٶتەرٸلٸپ, ٸشٸ ٶتكەن, لوقسىعان.
