استانادا تٸل باسقارماسىن جابۋ نە ٷشٸن كەرەك بولدى, بۇعان كٸم اراشا تٷسە الادى?!
ەلدٸ ويلايتىن ەرتەڭشٸل ەكٸم دەپ ماقتاعان باقىت سۇلتانوۆتىڭ بٷگٸنگٸ شەشٸمٸ شىنىمەن جاعا ۇستاتتى. ەلوردامىزدا مەملەكەتتٸك تٸل مەسەلەسٸ شەشٸلٸپ قويعانداي, ەندٸ تٸل باسقارماسى دەربەس مەكەمە رەتٸندە جۇمىس ٸستەمەيتٸن بولىپتى. بۇل ەكٸمنٸڭ دە تٸل دەگەندە تٸكسٸنٸپ قالاتىنىن كٸم بٸلگەن.
سۇلتانوۆتىڭ شەشٸمٸنە سەيكەس استاناداعى قوعامدىق-يدەولوگييالىق جۇمىستى ەندٸگٸدە جاڭا قۇرىلعان قوعامدىق دامۋ باسقارماسى جٷرگٸزەدٸ. بۇل مەكەمەگە قوعامدىق دامۋ باسقارماسى, مەدەنيەت جەنە سپورت باسقارماسى, تٸلدەردٸ دامىتۋ جەنە ارحيۆ (مۇراعات) ٸسٸ باسقارماسى بٸرٸكتٸرٸلەدٸ. ەكٸمنٸڭ بۇل ەكونوميكالىق تۇرعىدا پايدالى, قارجى ٷنەمدەلەدٸ دەگەنٸن ەستٸپ جاتىرمىز. ەيتسەدە تٸل مەسەلەسٸندە, يدەولوگييا سالاسىندا, ەسٸرەسە ۇلتتىق سانا قۇلدىراعان قازٸرگٸ كەزەڭدە ٷنەم دەگەندٸ ايتۋدىڭ ٶزٸ جاۋىزدىقپەن پارا-پار.
سولتٷستٸك ايماقتاردى ايتپاعاننىڭ ٶزٸندە, قايماعى بۇزىلماعان تٷركٸستان جەنە جامبىل وبلىستارىندا تٸل باسقارمالارى جۇمىس ٸستەپ كەلەدٸ. ەندەشە استاناعا نە جورىق? تٸلدەردٸ دامىتۋ باسقارماسىنىڭ ارقاسىندا استانا قازاقىلانىپ كەلە جاتقان. ورازكٷل اسانعازى, ەربول تٸلەشوۆ, تٸلەۋعالي قىشقاشباەۆتاردىڭ باستاماسىمەن قالا كٶشەلەرٸ, اۋداندارىنا قازاقشا اتاۋلار بەرٸلٸپ, ساۋدا ورتالىقتارى مەن عيمارات ماڭدايشالارىنداعى اتاۋدى قازاقشا ساۋاتتى جازۋ جۇمىستارى قاداعالانا باستاعان. تٸل باسقارماسىنا جٷرەكتٸ ازاماتتار جۇمىسقا الىنىپ, ەرٸكتٸلەر توبى قۇرىلىپ, استانادا تٸل تازالىعىن تالاپ ەتۋشٸ جاستار كٶبەيگەن. رۋحانييات ورتالىعى اشىلىپ, ۇلت ٷشٸن ماڭىزدى ٸس-شارالار ٶتكٸزٸلە باستاعان.
تٸل مەرتەبەسٸ – ەل مەرتەبەسٸ. ەلباسىنىڭ اۋزىمەن ايتساق: "تٸلگە دەگەن كٶزقاراس – شىنداپ كەلگەندە, ەلگە دەگەن كٶزقاراس. قازاق تٸلٸ – قازاقستان رەسپۋبليكاسىنىڭ مەملەكەتتٸك تٸلٸ. وعان كٶڭٸل دە, قارجى دا سولاي بٶلٸنەدٸ". بۇدان اسىپ قالاي ايتۋعا بولادى. تٷسٸنگەن ادامعا بۇل جەي سٶز ەمەس تاپسىرما. سوندىقتان سۇلتانوۆتىڭ بٷگٸنگٸ شەشٸمٸن اسىعىس جاسالعان قادام دەپ سانايمىن. باسقادان ٷنەمدەسە دە تٸلدٸك, ۇلتتىق مەسەلەدەن ٷنەمدەۋدٸڭ كەرەگٸ جوق. ەسٸرەسە ەلەۋمەتتٸك مەسەلەلەر ۋشىققان قازٸرگٸ كەزەڭدە. تٸل – ۇلتتىڭ سٷيەنەتٸن تٷپ تامىرى. ەندەشە تٸلدەردٸ دامىتۋ باسقارماسىن دەربەس مەكەمە رەتٸندە ساقتاپ قالۋعا ەلٸ دە بولادى دەپ سەنەمٸن. كٶپ تٷكٸرسە كٶل دەگەن. ەلدٸگٸمٸزدٸ بٸلدٸرەيٸك, ەل بولىپ تالاپ ەتەيٸك.
مەدي ماناتبەكتٸڭ فەيسبۋكتاعى جازباسىنان
