استانا قالاسى ەكٸمدٸگٸنٸڭ كەزەكتٸ وتىرىسىندا ەلوردا باسشىسى باقىت سۇلتانوۆ بٸرقاتار شەنەۋنٸكتٸ جازالادى, دەپ حابارلايدى "ۇلت اقپارات" استانا ەكٸمدٸگٸنٸڭ رەسمي سايتىنا سٸلتەمە جاساپ.
جيىن بارىسىندا قالاداعى قۇدىقتاردىڭ بٸرٸنە قۇلاپ, قازا تاپقان جاسٶسپٸرٸمنٸڭ وقيعاسىنا قاتىستى ۋەكٸلەتتٸ تۇلعالاردىڭ جاۋاپكەرشٸلٸگٸ تۋرالى سٶز بولدى.
"ٶكٸنٸشكە وراي, 19 اقپاندا تاعى بٸر قايعىلى وقيعا بولدى. 13 جاستاعى جاسٶسپٸرٸم قالاداعى اشىق قۇدىقتىڭ بٸرٸنە قۇلاپ, قازا تاپتى. تٶتەنشە جاعداي ٶتكەندەگٸدەي الماتى اۋدانىنىڭ اۋماعىندا ورىن الدى. اشىق قۇدىق "استانا سۋ ارناسى" مەملەكەتتٸك كەسٸپورنىنا تيەسٸلٸ. وسىدان بٸرنەشە اي بۇرىن جاسٶسپٸرٸم قىز دەل وسىنداي جاعدايدا قايتىس بولعاندا اۋدان ەكٸمدەرٸنە قاتاڭ سٶگٸس جارييالاۋمەن عانا شەكتەلٸپ ەدٸك. بۇل جازالاۋ تٷرٸ سٸزدەرگە از سيياقتى بولىپ وتىر! ەندەشە, الماتى اۋدانىنىڭ ەكٸمٸ ەدٸلبەك سەرسەمباەۆقا قاتاڭ سٶگٸس جارييالايمىن", – دەدٸ قالا ەكٸمٸ.
وتىن-ەنەرگەتيكا كەشەنٸ جەنە كوممۋنالدىق شارۋاشىلىق باسقارماسى باسشىسىنىڭ ورىنباسارى يگور الەكسەەۆكە, "استانا سۋ ارناسى" مكك ديرەكتورى تابيعات زەينۋلقابدەنگە, كەرٸز قىزمەتٸنٸڭ باسشىسى قۋانىش سۇلتانباەۆ پەن الماتى اۋدانى كەرٸز ۋچاسكەسٸنٸڭ باسشىسى ۆلاديمير ۆلاسەنكوعا وسىنداي جازا بەلگٸلەندٸ. قالالىق قوعامدىق دەنساۋلىق ساقتاۋ باسقارماسى باسشىسىنىڭ مٸندەتٸن اتقارۋشى ەلييا رٷستەموۆا دا استانا ەكٸمٸنەن سٶگٸس الدى.
قۇدىقتار قاقپاعىنىڭ ۇرلانۋىنا قارسى قالالىق ەكٸمدٸك كٶپتەگەن جۇمىس اتقارىپ جاتىر. قالاداعى بارلىق قۇدىقتاردىڭ تٸزٸمٸ قايتا جاسالۋدا. قاقپاقتاردى پوليمەرلٸك ماتەريالدان, سونداي-اق ارنايى تورلاردى پوليەتيلەننەن جاساۋ كٶزدەلگەن.
"تور قۇدىق قاقپاعى ۇرلانعان كٷننٸڭ ٶزٸندە ادامنىڭ, جان-جانۋاردىڭ تاعى دا باسقا زاتتاردىڭ تٷسٸپ كەتۋٸنەن ساقتايدى. قازٸر 6 مىڭ قۇدىققا تور ورناتىلعان", – دەپ حابارلادى وتىن-ەنەرگەتيكا كەشەنٸ جەنە كوممۋنالدىق شارۋاشىلىق باسقارماسى.
سونىمەن قاتار, استانا قالاسىنىڭ پوليتسييا دەپارتامەنتٸ جٷيەلٸ تٷردە تەكسەرٸس, ەسكەرتۋ, تٷسٸندٸرۋ جۇمىستارىن جٷرگٸزەدٸ.
باقىت سۇلتانوۆ 19 اقپانداعى №2 پەريناتالدىق ورتالىقتا بولعان جانتٷرشٸگەرلٸك وقيعانى تٸلگە تيەك ەتتٸ. ورتالىقتىڭ بوسانۋ بٶلٸمٸندە كەلٸنشەك دەرٸگەرلەردٸڭ كٶمەگٸنسٸز, ٶزٸ ەدەندە بوسانىپ قالدى.
"ابىروي بولعاندا بالا مەن انانىڭ دەنساۋلىعىنا زييان كەلمەگەن. بٸراق, بۇل جاعداي ەرەكشە باقىلاۋعا الىنۋى تيٸس دەپ ويلايمىن. مۇنداي وقيعالار جٷيەسٸزدٸكتٸڭ سالدارىنان ورىن العان", – دەدٸ سۇلتانوۆ.
سونىمەن قاتار, ول 2018 جىلى بوسانۋ كەزٸندە سەگٸز ەيەلدٸڭ قايتىس بولعانىن, وقيعالار سانى 2017 جىلعى كٶرسەتكٸشتەن تٶرت ەسە جوعارى ەكەندٸگٸن العا تارتتى.
"بٸزدٸڭ دەنساۋلىق ساقتاۋ جٷيەسٸندە مۇنداي بەي-بەرەكەتسٸزدٸك نەگە بولىپ جاتىر?"– دەپ سۇرادى قالا ەكٸمٸ ەلييا رٷستەموۆادان.
"مۇنداي جاعدايدىڭ بولعانى راس. ەيەل 18 اقپاندا پەرزەنتحاناعا تٷستٸ. 19 اقپاندا ونىڭ تولعاعى كٷشەيە باستاعان. ساعات 12-دە بٶلٸم مەڭگەرۋشٸسٸ ونى قاراعاندا, بوسانۋ بٶلٸمٸندە بولعان. جىلدام بوساندى. ول كٷنٸ بٶلٸمدە 37 ەيەل سەبيٸن دٷنيەگە ەكەلدٸ. وسى ۋاقىتتا ٷش اكۋشەر تٶرت ەيەلدٸ بوساندىرىپ جاتقان بولاتىن. سونداي-اق, بٶلٸمدە كٷردەلٸ وپەراتسييا جاسالىپ جاتتى. وعان دەرٸگەرلەرٸمٸزدٸڭ بارلىعى جۇمىلدىرىلعان بولاتىن. نە دەسەك تە, بۇل جاعدايدا ولقىلىقتار بار", – دەدٸ رٷستەموۆا.
"دەمەك, تيٸستٸ كٷش سالۋ كەرەك. سٸزگە رەسمي تٷردە ەسكەرتۋ جاساپ وتىرمىن. بارلىق جٷيە بويىنشا شارالار قولدانىڭىز. بۇل بارلىق باسقا مەديتسينالىق مەكەمە ٷشٸن بەلگٸ بولۋى تيٸس. سونداي-اق, بارلىق دەنساۋلىق ساقتاۋ نىسانىنىڭ جۇمىسىنا مونيتورينگ جٷرگٸزٸپ, شتاتتان تىس بارلىق جاعداي بويىنشا ناقتى ٸس-قيمىل الگوريتمٸن پىسىقتاڭىز", – دەدٸ سۇلتانوۆ.
