قر بٸلٸم جەنە عىلىم مينيسترٸ اسحات ايماعامبەتوۆ جازعى كانيكۋلدى قىسقارتۋ مەن ۇبت ٶتكٸزۋ مەرزٸمٸ تۋرالى تٷسٸنٸكتەمە بەردٸ, دەپ حابارلايدى "ۇلت اقپارات".
«توقساندىق دەمالىسقا بٸر اپتا ەرتە شىعۋ وقۋ جىلىن ۇزارتۋدى قاجەت ەتپەيدٸ. قازٸرگٸ ۋاقىتتا مۇنداي مەسەلە قاراستىرىلىپ جاتقان جوق. جازعى كانيكۋلدى قىسقارتۋ دا جوسپارىمىزدا جوق. الداعى ۋاقىتتا كٷتپەگەن وقيعالار بولىپ جاتسا, ويلانۋىمىز مٷمكٸن. بٸراق ەزٸرگە بۇل مەسەلە كٶتەرٸلگەن جوق», - دەپ جاۋاپ بەردٸ مينيستر ورتالىق كوممۋنيكاتسييالار قىزمەتٸندە تٸلشٸ ساۋالىنا.
سونىمەن بٸرگە, مينيستر ۇبت ٶتكٸزۋ مەرزٸمٸ تۋرالى سۇراقتارعا جاۋاپ بەردٸ.
«ۇبت-نى ماۋسىم ايىنىڭ اياعىندا ٶتكٸزۋ جوسپارلانعان, ونى دا اۋىستىرۋعا ەش قاجەتتٸلٸك جوق. ۇبت سىناما تەستتەرٸن اقىسىز ٶتكٸزۋ بويىنشا جاعداي جاسادىق. تەستٸلەۋدٸڭ 70 نۇسقاسىن تەگٸن ۇبت سايتىنا شىعاردىق, كٶپتەگەن بالالار سىناما تەستتەن تەگٸن ٶتٸپ جاتىر», - دەدٸ مينيستر.
ەسكە سالا كەتسەك, ەلٸمٸزدەگٸ تٶتەنشە جاعدايعا بايلانىستى مەكتەپ وقۋشىلارى, جوو جەنە كوللەدج ستۋدەنتتەرٸ قاشىقتان وقىتۋ فورماتىنا كٶشٸرٸلدٸ.
بۇعان دەيٸن مينيستر قازاقستاندىق مەكتەپ وقۋشىلارىنىڭ تەلەديدار, راديو, ينتەرنەت جەنە پوشتا ارقىلى بٸلٸم الاتىنىن مەلٸمدەگەن ەدٸ.
1 سەۋٸردە قازاقستاننىڭ بارلىق مەكتەپتەرٸ قاشىقتان وقىتۋ بويىنشا سىناما ساباق ٶتكٸزەدٸ.
بارلىق سۇراقتار بويىنشا بٸلٸم جەنە عىلىم مينيسترلٸگٸنٸڭ 1450 كولل-ورتالىعىنا حابارلاسۋعا بولادى.
