QR Bilim jáne ǵylym ministri Ashat Aimaǵambetov jazǵy kanikýldy qysqartý men UBT ótkizý merzimi týraly túsinikteme berdi, dep habarlaidy "Ult aqparat".
«Toqsandyq demalysqa bir apta erte shyǵý oqý jylyn uzartýdy qajet etpeidi. Qazirgi ýaqytta mundai másele qarastyrylyp jatqan joq. Jazǵy kanikýldy qysqartý da josparymyzda joq. Aldaǵy ýaqytta kútpegen oqiǵalar bolyp jatsa, oilanýymyz múmkin. Biraq ázirge bul másele kóterilgen joq», - dep jaýap berdi ministr Ortalyq kommýnikatsiialar qyzmetinde tilshi saýalyna.
Sonymen birge, ministr UBT ótkizý merzimi týraly suraqtarǵa jaýap berdi.
«UBT-ny maýsym aiynyń aiaǵynda ótkizý josparlanǵan, ony da aýystyrýǵa esh qajettilik joq. UBT synama testterin aqysyz ótkizý boiynsha jaǵdai jasadyq. Testileýdiń 70 nusqasyn tegin UBT saityna shyǵardyq, kóptegen balalar synama testten tegin ótip jatyr», - dedi ministr.
Eske sala ketsek, elimizdegi tótenshe jaǵdaiǵa bailanysty mektep oqýshylary, JOO jáne kolledj stýdentteri qashyqtan oqytý formatyna kóshirildi.
Buǵan deiin ministr qazaqstandyq mektep oqýshylarynyń teledidar, radio, internet jáne poshta arqyly bilim alatynyn málimdegen edi.
1 sáýirde Qazaqstannyń barlyq mektepteri qashyqtan oqytý boiynsha synama sabaq ótkizedi.
Barlyq suraqtar boiynsha Bilim jáne ǵylym ministrliginiń 1450 koll-ortalyǵyna habarlasýǵa bolady.
