سوڭعى ەكٸ جىلدا 4 مىڭنان استام ەسكەري قىزمەتشٸ باسپانا باعدارلامالارىمەن ٷي الدى. بۇل تۋرالى قر قورعانىس مينيسترٸ نۇرلان ەرمەكباەۆ ايىپ بەردٸ, دەپ حابارلايدى قازاقپارات.
«ەسكەري قىزمەتشٸلەردٸڭ تۇرعىن ٷي مەسەلەسٸ شەشٸلٸپ جاتىر. 2018 جىلدان باستاپ جەڭٸلدەتٸلگەن يپوتەكالىق كرەديتتەۋ ارقىلى تۇرعىن ٷي باعدارلامالارى بويىنشا 4 مىڭنان استام ەسكەري قىزمەتشٸ باسپانا الدى.
قارۋلى كٷشتەردە نىسانداردىڭ ٷلكەن ينفراقۇرىلىمى جۇمىس ٸستەيدٸ. قورعانىس ۆەدومستۆوسى ەسكەري بٶلٸمدەر مەن قالاشىقتار اۋماعىنداعى عيماراتتاردى كٷردەلٸ جەنە اعىمداعى جٶندەۋ جٷرگٸزٸپ جاتىر. ولاردىڭ باسىم بٶلٸگٸ ٶتكەن عاسىردىڭ 60-70 جىلدارى سالىنعان», - دەدٸ نۇرلان ەرمەكباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
مينيستردٸڭ ايتۋىنشا, 2020 جىلى 600-دەن استام نىسانعا جوسپارلى جٶندەۋ جٷرگٸزٸلدٸ, بۇل كٶرسەتكٸش ٶتكەن جىلعىدان 1,5 ەسەگە جوعارى. 30 نىسان كٷردەلٸ جٶندەۋدەن ٶتكەن.
«كازارمالىق-تۇرعىن ٷي قورىنىڭ دا جاڭا نىساندارى سالىنۋدا, ونىڭ ٸشٸندە جەڭٸل مودۋلدٸك كونسترۋكتسييالاردان: كازارمالار, اسحانالار, قويمالار, وقۋ جەنە سپورت كەشەندەرٸ تۇرعىزىلۋدا. بيىل وسىنداي 56 عيمارات سالىندى», - دەدٸ ەرمەكباەۆ.
