Sońǵy eki jylda 4 myńnan astam áskeri qyzmetshi baspana baǵdarlamalarymen úi aldy. Bul týraly QR Qorǵanys ministri Nurlan Ermekbaev aiyp berdi, dep habarlaidy QazAqparat.
«Áskeri qyzmetshilerdiń turǵyn úi máselesi sheshilip jatyr. 2018 jyldan bastap jeńildetilgen ipotekalyq kreditteý arqyly turǵyn úi baǵdarlamalary boiynsha 4 myńnan astam áskeri qyzmetshi baspana aldy.
Qarýly Kúshterde nysandardyń úlken infraqurylymy jumys isteidi. Qorǵanys vedomstvosy áskeri bólimder men qalashyqtar aýmaǵyndaǵy ǵimarattardy kúrdeli jáne aǵymdaǵy jóndeý júrgizip jatyr. Olardyń basym bóligi ótken ǵasyrdyń 60-70 jyldary salynǵan», - dedi Nurlan Ermekbaev Ortalyq kommýnikatsiialar qyzmetinde ótken brifingte.
Ministrdiń aitýynsha, 2020 jyly 600-den astam nysanǵa josparly jóndeý júrgizildi, bul kórsetkish ótken jylǵydan 1,5 esege joǵary. 30 nysan kúrdeli jóndeýden ótken.
«Kazarmalyq-turǵyn úi qorynyń da jańa nysandary salynýda, onyń ishinde jeńil modýldik konstrýktsiialardan: kazarmalar, ashanalar, qoimalar, oqý jáne sport keshenderi turǵyzylýda. Biyl osyndai 56 ǵimarat salyndy», - dedi Ermekbaev.
