قارۋلى كٷشتەر قۇرامىندا ەسكەري- پاتريوتتىق جۇمىستى جٷيەلٸ تٷردە نىعايتۋ ماڭىزدى بولىپ تۇر. بۇل تۋرالى مەجٸلٸس دەپۋتاتى ەرلان سايروۆ ايتتى, دەپ حابارلايدى قازاقپارات.
«بٸزدٸڭ قارۋلى كٷشتەردە ەكٸ پروبلەما بار, ياعني قاتارداعى جاۋىنگەرلەردٸڭ زەبٸر كٶرۋٸ, ەسكەردٸڭ ەل الدىندا بەدەلٸنٸڭ تٶمەندەۋٸ بايقالىپ وتىر. بۇل - مەملەكەتتٸ قورعاۋ سالاسىنداعى جٷيەلٸ پروبلەما. ازاماتتار, ەسكەر ٶكٸلدەرٸ بۇل مەسەلەنٸ بٸرٸگٸپ شەشۋٸ قاجەت. ەلٸمٸزدەگٸ ەسكەري-پاتريوتتىق تەربيەنٸ قايتا قاراۋ ٶتە ماڭىزدى. ەسكەري-پاتريوتتىق تەربيە بارىسىندا وتان قورعاۋ ميسسيياسىنا پوزيتيۆتٸ ەموتسيونالدىق, كٷش-جٸگەرلٸك سەزٸم, وتان قورعاۋدىڭ ماڭىزى جٶنٸندە جاس جەتكٸنشەكتەرگە تەرەڭ اقپارات بەرۋ كەرەك», - دەدٸ ە. سايروۆ ٷكٸمەت باسشىسىنىڭ ورىنباسارى ەرالى توعجانوۆتىڭ اتىنا جولداعان ساۋالىندا.
وسى ورايدا دەپۋتات «AMANAT» فراكتسيياسىنىڭ تيٸستٸ ۇسىنىستارىن جارييالادى.
«كٶپتەگەن عالىمدار «قوبىلاندى باتىر», «الپامىس باتىر», «قامبار باتىر», «ەر تارعىن» سيياقتى باتىرلار جىرىندا ەل تەۋەلسٸزدٸگٸن سىرتقى جاۋلاردان قورعاۋ سارىنى ٷستەم دەپ اتاپ ٶتەدٸ. بالالىق شاقتان باتىرلار جىرىن, پاتريوتتىق سەزٸمدٸ ارداقتاپ, باتىرلىقتى ماداقتاعان, اقىلدىلىق, پاراساتتىلىق, دوستىق تەرٸزدٸ ادامگەرشٸلٸك يگٸ قاسيەتتەردٸ دەرٸپتەيتٸن مەكتەپكە دەيٸن, مەكتەپ كەزەڭٸندەگٸ باعدارلاما قاجەت», - دەدٸ ول.
سونىمەن قاتار سايروۆ مەملەكەتتٸك تٸل ۇتتىق ٶرلەۋدٸڭ اجىراماس بٶلٸگٸ ەكەندٸگٸ جٶنٸندەگٸ ۇعىم مەكتەپكە دەيٸن, مەكتەپ باعدارلاماسىنىڭ ٶزەگٸ بولۋى تيٸس ەكەنٸن اتاپ ٶتتٸ.
«بەيبٸت كٷندەگٸ قاتال تەرتٸپكە قازٸرگٸ تەحنولوگييا زامانىنداعى جاس بۋىننىڭ بويى ٷيرەنبەي جاتىر. سوندىقتان ەسكەري پاتريوتيكاعا جاڭا موتيۆاتسييانىڭ تەسٸلٸن ويلاستىرۋ كەرەك. قارۋلى كٷشتەر قۇرامىندا ەسكەري - پاتريوتتىق جۇمىستى جٷيەلٸ تٷردە نىعايتىپ, جاڭا تەحنولوگييالار ەڭگٸزۋ قاجەت. ەسكەري وقۋ ورىندارىندا تەمٸردەي تەرتٸپپەن قاتار, ادامگەرشٸلٸك, باۋىرمالدىق كۋرستارىن ۇيىمداستىرۋ ماڭىزدى. ادامنىڭ تاعدىرىن تٸكەلەي شەشەتٸن كومانديرلەر جوعارى مورالدىق-پسيحولوگييالىق دەرەجەگە يە بولۋى تيٸس», - دەدٸ دەپۋتات.
