قازاقستان رەسپۋبليكاسىنىڭ قارۋلى كٷشتەرٸندە جاۋىنگەرلٸك دايارلىق جوسپارى بويىنشا بٶلٸمشە قۇرامىندا ٸس-شارالار جالعاسۋدا, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, جاۋىنگەرلٸك دايارلىق جۇمىستارىنىڭ بارلىعى ەلدەگٸ سانيتارلىق-ەپيدەميولوگييالىق احۋالدى ەسكەرە وتىرىپ, بارىنشا ۇرىس جاعدايىنا كەلتٸرٸلٸپ جٷرگٸزٸلدٸ. سونىمەن قاتار, COVID-19 ەرٸ قاراي تارالاۋىن جويۋ جٶنٸندە شارالار قابىلدانۋدا.
قازٸرگٸ ۋاقىتتا ەلدە COVID-19 تارالۋ قارقىنى ارتىپ كەلەدٸ. «قىزىل» ايماقتا استانا, سونداي-اق اقمولا, اتىراۋ, قوستاناي جەنە پاۆلودار وبلىستارى ورنالاسقان. وسىعان قاراماستان, قر قارۋلى كٷشتەرٸندە سىرقاتتانۋدىڭ ٶسۋٸ تٶمەندەگەنٸ بايقالادى.
قر قورعانىس مينيسترٸ گەنەرال-لەيتەنانت نۇرلان ەرمەكباەۆ قورعانىس ۆەدومستۆوسىندا ٶتكەن اپپارات كەڭەسٸندە قارۋلى كٷشتەردەگٸ ەپيدەميولوگيياعا قارسى احۋال تۋرالى باس ەسكەري-مەديتسينالىق باسقارمانىڭ اقپاراتىن تىڭدادى.
سوڭعى جەتٸ تەۋلٸكتە ەسكەري قىزمەتشٸلەر اراسىندا COVID-19 جۇقتىرۋ جاعدايى ٶتكەن اپتاعا قاراعاندا 16%-عا تٶمەندەدٸ.
قارۋلى كٷشتەردٸڭ ەكٸ پتر-زەرتحاناسى بازاسىندا 800-دەن استام دياگنوستيكالىق زەرتتەۋلەر جٷرگٸزٸلدٸ. اقتاۋ مەن سەمەيدە تاعى ەكٸ جاڭا مەديتسينالىق زەرتحانا كەشەنٸن ٶرٸستەتۋ بويىنشا شارالار قابىلداندى, ولاردى پايدالانۋعا بەرۋ ٷشٸن قاجەتتٸ قۇجاتتار رەسٸمدەلەدٸ.
«قىزىل» ايماقتاعى جەكە قۇرامنىڭ كەمٸندە 80 پايىزى قاشىقتان جۇمىس ٸستەۋ تٷرٸنە اۋىستىرىلاتىن بولادى, بۇقارالىق ٸس-شارالار مەن توپتىق ساباقتار ٶتكٸزۋگە تىيىم سالىنادى.
كەلٸسٸمشارت قىزمەتٸنٸڭ ەسكەري قىزمەتشٸلەرٸ ٷشٸن ماماندىق بويىنشا وقىتۋ باعدارلامالارى جەنە ٷي جاعدايىندا ورىنداۋعا ارنالعان دەنە جاتتىعۋلارىنىڭ كەشەنٸ ەزٸرلەندٸ. كارانتيننەن شىعۋ بويىنشا ەسكەري قىزمەتشٸلەردٸڭ دەنە دايارلىعى دەڭگەيٸن جەنە وقۋ ماتەريالىن مەڭگەرۋ ساپاسىنا تەكسەرۋ ۇيىمداستىرىلادى.
قورعانىس ۆەدومستۆوسىنىڭ باسشىسى قارۋلى كٷشتەر مەن بٶلٸمشەلەردٸڭ باسشىلىعىنا كارانتين رەجيمٸن ساقتاۋ مەسەلەلەرٸن ەرەكشە باقىلاۋدا ۇستاۋدى, سونداي-اق تاياۋداعى توقسان ٸشٸندە ەلدەگٸ ەپيدەميولوگييالىق احۋالدىڭ كٷرت شيەلەنٸسۋٸنە جەدەل دەن قويۋدى تاپسىردى.
قر قورعانىس مينيسترلٸگٸندە ٶتكەن اپپاراتتىق كەڭەستە قىسقى جاعدايلار مەن كوروناۆيرۋستىڭ تارالۋى جاۋىنگەرلٸك دايارلىقتىڭ جوسپارلانعان ٸس-شارالارىن ٸسكە اسىرۋ قاجەتتٸلٸگٸن جويمايتىنىن, سونىمەن قاتار, ونىڭ بارىسىنا ۇدايى تٷردە نازارعا الىناتىنىن اتاپ ٶتتٸ.
قازٸرگٸ ۋاقىتتا بازالىق ەسكەري بۋىن - بٶلٸمشەلەردٸ دايارلاۋ ناقتى اتىس مٸندەتتەرٸن شەشۋمەن ەرتٷرلٸ ۇرىس تٷرلەرٸندەگٸ ٸس-قيمىلدار كەزٸندە ٶزارا ٸس-قيمىلدىڭ ٷيلەسٸمدٸلٸگٸن جەتٸلدٸرۋگە, بٶلٸمشەلەر كومانديرلەرٸن ٶز باعىنىستىلارىن باسقارۋعا ٷيرەتۋگە, جەكە قۇرامنىڭ دالالىق داعدىسىن جەتٸلدٸرۋگە باعىتتالعان.
ەسكەري اتىس الاڭدارى مەن وقۋ-تاكتيكالىق پوليگونداردا اعىمداعى دايىندىقتىڭ سوڭعى كەزەڭٸندە دەستٷر بويىنشا وقىتۋدا پايدالانىلاتىن قارۋ-جاراقتىڭ بارلىق تٷرلەرٸنەن جاۋىنگەرلٸك اتىس ٶتەدٸ. بۇل رەتتە اتىستاردىڭ كەم دەگەندە 30%-ىن ٶتكٸزۋ تەۋلٸكتٸڭ تٷنگٸ ۋاقىتىندا جوسپارلانعان.
قۇبىلمالى ەسكەري-تاكتيكالىق جاعدايلاردى ەسكەرە وتىرىپ, قر قورعانىس مينيسترٸ فورتيفيكاتسييالىق قۇرىلىستار مەن ينجەنەرلٸك پوزيتسييالاردى جابدىقتاۋ, ۇشقىشسىز ۇشۋ اپپاراتتارىنا قارسى ٸس-قيمىل ەلەمەنتتەرٸ بويىنشا ساباقتار ٶتكٸزۋ قاجەتتٸگٸن اتاپ ٶتتٸ. بۇل رەتتە گەنەرال-لەيتەنانت ن. ەرمەكباەۆ بارلىق دەڭگەيدەگٸ كوماندالىق قۇرامنىڭ نازارىن جاتتىعۋلار ٶتكٸزۋ كەزٸندە قاۋٸپسٸزدٸك شارالارىن ساقتاۋعا اۋداردى.
- دالا ساباقتارىندا جەكە قۇرامنىڭ سۋىقتاپ قالۋى مەن ٷسٸك شالۋ وقيعالارىن بولدىرماۋ جايلى شارالار قابىلداۋ قاجەت. جىلىنۋ پۋنكتتەرٸن اشىپ, ەسكەري قىزمەتشٸلەردٸ جىلى كيٸم-كەشەكپەن جەنە ىستىق تاماقپەن قامتاماسىز ەتۋ كەرەك, – دەپ اتاپ ٶتتٸ ول.
