كوللاج: Azattyq Ruhy
«ەسكەري قۇرىلىس» اق باسشىلىعى بيۋدجەت قاراجاتىن جىمقىردى دەگەن كٷدٸككە ٸلٸندٸ, - دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
«سىبايلاس جەمقورلىققا قارسى قىزمەت «ەسكەري قۇرىلىس» اق بۇرىنعى پرەزيدەنتٸ ە. تەجيدەنوۆتىڭ جەنە باسقالاردىڭ باسشىلىعىمەن ۇيىمداسقان قىلمىستىق توپقا قاتىستى سوتقا دەيٸنگٸ تەرگەۋدٸ اياقتادى.
11 ادام قىلمىستىق جاۋاپكەرشٸلٸككە تارتىلدى. ونىڭ ٸشٸندە تۋعان اعاسى مەن جيەنٸ, سونداي-اق تەجيدەنوۆتىڭ قاراماعىنداعى «ەسكەري قۇرىلىس» جشس مەن ونىڭ استانا قالاسى بويىنشا فيليالىنىڭ قارجىلىق جەنە كورپوراتيۆتٸك قىزمەتٸنە جاۋاپتى ادامدار بار» - دەلٸنگەن حابارلامادا.
انتيكور مەلٸمەتٸنشە, ولار تاۋارلار مەن قىزمەتتەردٸ ساتىپ الۋعا, ٶتەۋسٸز قارجىلىق كٶمەك كٶرسەتۋگە ٷلەستەس كومپانييالارمەن جالعان شارتتار جاساسۋ ارقىلى اسا ٸرٸ كٶلەمدە بيۋدجەت قاراجاتىن جىمقىردى دەگەن كٷدٸككە ٸلٸنگەن.
"زالالدىڭ جالپى سوماسى 596 ملن تەڭگەنٸ قۇرايدى. ونى ٶتەۋ ماقساتىندا قىلمىستىق جولمەن الىنعان مٷلٸككە تىيىم سالىندى. قازٸرگٸ ۋاقىتتا ايىپتالۋشىلار سوتقا بەرٸلدٸ" - دەلٸنگەن اگەنتتٸك حابارلاماسىندا.
كونستيتۋتسييانىڭ 77-بابى 3-تارماعىنىڭ 1-تارماقشاسىنا جەنە قىلمىستىق-پروتسەستٸك كودەكسٸنٸڭ 19-بابى 1-بٶلٸگٸنە سەيكەس, قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەربٸر ادام كٸنەسٸز دەپ ەسەپتەلەدٸ.
