بيىلعى كٷزدەن باستاپ مەرزٸمدٸ ەسكەري قىزمەتكە شاقىرىلعان ساربازدار جىلىنا ەكٸ رەت كوروناۆيرۋسقا پتر-تەستٸدەن ٶتەدٸ, دەپ حابارلايدى قازاقپارات.
«وسى كٷزدە كٶكتەممەن سالىستىرعاندا ەسكەرگە شاقىرىلۋشىلارعا پتر-تەست ەكٸ رەت جٷرگٸزٸلەدٸ. العاشقىسى – ەسكەرگە شاقىرىلىپ, جيىن-پۋنكتٸندە جٷرگەن كەزٸندە, ەكٸنشٸسٸ – جاس بۋىن ەسكەري بٶلٸمدەرگە كەلگەن كەزدە الىنادى. ەسكەرگە شاقىرۋ كەزٸندە جەنە جيىن-پۋنكتتەرٸندە ەسكەرگە شاقىرىلۋشىلار جەنە مەديتسينالىق كوميسسييا مٷشەلەرٸ مەديتسينالىق ماسكالارمەن جەنە باكتەريياعا قارسى قۇرالدارمەن قامتاماسىز ەتٸلدٸ. كٷن سايىن كەمٸندە ەكٸ رەت بارلىق قىزمەتتٸك جەنە قوسالقى ٷي-جايلاردا دەزينفەكتسييالاۋ جۇمىستارى جٷرگٸزٸلەدٸ. قولدانىلىپ جٷرگەن تەجٸريبەنٸ ەسكەرە وتىرىپ, ەسكەرگە شاقىرىلۋشىلاردى حاباردار ەتۋ, ولاردى مەديتسينالىق تەكسەرٸستەن ٶتكٸزۋ, سونىمەن قاتار ولاردىڭ جيىن-پۋنكتتەرٸندە بولۋلارى كەزٸندە قورعانىس ٸستەرٸ جٶنٸندەگٸ دەپارتامەنتتەر, باسقارمالار مەن بٶلٸمدەر قىزمەتكەرلەرٸمەن ٸس-قيمىل جاساۋ الگوريتمدەرٸ بٸر ٸزگە قويىلدى», - دەدٸ بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قر قارۋلى كٷشتەرٸنٸڭ باس شتابى ۇيىمداستىرۋ-جۇمىلدىرۋ جۇمىستارى دەپارتامەنتٸنٸڭ باستىعى سەكەن جٷسٸپوۆ.
ونىڭ ايتۋىنشا, ەسكەرگە شاقىرىلۋشىلاردان رەسپيراتورلىق اۋرۋعا تەن بەلگٸلەر انىقتالعان كەزدە ەرەكەت ەتۋ ەدٸسٸ قاراستىرىلعان.
