Biylǵy kúzden bastap merzimdi áskeri qyzmetke shaqyrylǵan sarbazdar jylyna eki ret koronavirýsqa PTR-testiden ótedi, dep habarlaidy QazAqparat.
«Osy kúzde kóktemmen salystyrǵanda áskerge shaqyrylýshylarǵa PTR-test eki ret júrgiziledi. Alǵashqysy – áskerge shaqyrylyp, jiyn-pýnktinde júrgen kezinde, ekinshisi – jas býyn áskeri bólimderge kelgen kezde alynady. Áskerge shaqyrý kezinde jáne jiyn-pýnktterinde áskerge shaqyrylýshylar jáne meditsinalyq komissiia músheleri meditsinalyq maskalarmen jáne bakteriiaǵa qarsy quraldarmen qamtamasyz etildi. Kún saiyn keminde eki ret barlyq qyzmettik jáne qosalqy úi-jailarda dezinfektsiialaý jumystary júrgiziledi. Qoldanylyp júrgen tájiribeni eskere otyryp, áskerge shaqyrylýshylardy habardar etý, olardy meditsinalyq tekseristen ótkizý, sonymen qatar olardyń jiyn-pýnktterinde bolýlary kezinde Qorǵanys isteri jónindegi departamentter, basqarmalar men bólimder qyzmetkerlerimen is-qimyl jasaý algoritmderi bir izge qoiyldy», - dedi búgin Ortalyq kommýnikatsiialar qyzmetinde ótken baspasóz máslihatynda QR Qarýly Kúshteriniń Bas shtaby Uiymdastyrý-jumyldyrý jumystary departamentiniń bastyǵy Sáken Júsipov.
Onyń aitýynsha, áskerge shaqyrylýshylardan respiratorlyq aýrýǵa tán belgiler anyqtalǵan kezde áreket etý ádisi qarastyrylǵan.
