قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ اسقار جۇماعاليەۆ بانكتەر مەن جەكە كومپانييالارعا QR-كود ارقىلى قىزمەت كٶرسەتۋدٸ ۇسىندى, دەپ حابارلايدى "ۇلت اقپارات".
«كەشە eGov پورتالىنان قىزمەتتەردٸ الۋدا QR-كود ەنگٸزۋدٸ جوسپارلاپ وتىرعانىمىزدى جازدىم. ٶزدەرٸڭٸز بٸلەسٸزدەر, ەلەكتروندىق قولتاڭبا ەلەكتروندىق ٷكٸمەت پورتالىنان بٶلەك سالىق تٶلەۋشٸلەر كابينەتٸندە, مەملەكەتتٸك ساتىپ الۋ سايتىندا, سوت كابينەتٸندە جۇمىس ٸستەۋ ٷشٸن تالاپ ەتٸلەدٸ. بٸز ۆەدومستۆوارالىق كوميسسييا وتىرىسىندا باسقا مەملەكەتتٸك ورگاندارداعى ەرٸپتەستەرٸمٸزگە ٶز پورتالدارىندا بالاما رەتٸندە ۇقساس سەرۆيستٸ ەنگٸزۋدٸ ۇسىندىق. بۇل ازاماتتاردىڭ بارلىق مەملەكەتتٸك قىزمەتتٸ QR-كودتى موبيلدٸ قوسىمشا ارقىلى سكانەرلەي وتىرىپ, وڭاي الۋى ٷشٸن قاجەت», - دەپ جازدى مينيستر Facebook پاراقشاسىندا.
ونىڭ اتاپ ٶتۋٸنشە, ٸس جٷزٸندە eGov mobile مەملەكەتتٸك سەرۆيستەرمەن جۇمىس ٸستەۋدە باستى قۇرالعا اينالادى جەنە كومپيۋتەرگە تٷرلٸ باعدارلامالاردى ورناتۋدىڭ قاجەتٸ بولمايدى.
«سونىمەن قاتار قولدانۋشىلاردىڭ كٶبٸ كومپيۋتەردەگٸمەن سالىستىرعاندا سمارتفونداعى ەتسق-نى پايدالانۋ ەلدەقايدا ىڭعايلى جەنە وڭاي ەكەنٸن ايتۋدا. ايتپاقشى, بٸز وسىنداي مٷمكٸندٸكتٸ بولاشاقتا بانكتەر مەن جەكە كومپانييالارعا ەنگٸزۋدٸ ۇسىنباقپىز. دەل وسى پرينتسيپ بويىنشا, ياعني تٷرلٸ پارولدەردٸ ەستە ساقتاماي-اق, eGov mobile قوسىمشاسىن پايدالانۋ ارقىلى ولاردىڭ رەسۋرستارىنداعى قاجەتتٸ قىزمەتتەردٸ الۋعا بولار ەدٸ», - دەدٸ اسقار جۇماعاليەۆ.
