قر پرەمەر-مينيسترٸ اسقار مامين بٷگٸن تٷركٸستان وبلىسىنا ٸس-ساپارمەن كەلٸپ, وبلىس ورتالىعىندا سالىنىپ جاتقان بٸرقاتار قۇرىلىس نىساندارىن ارالادى, – دەپ حابارلايدى ٶڭٸر باسشىسىنىڭ باسپاسٶز قىزمەتٸ.
ٷكٸمەت باسشىسى تٷركٸستاننىڭ ٸرگەسٸندەگٸ شاعا اۋىلىندا سالىنىپ جاتقان جاڭا ەۋەجايدىڭ قۇرىلىس بارىسىمەن تانىسىپ, تٸكۇشاقپەن باقىلادى. بيىل مامىر ايىندا ٸرگەتاسى قالانعان ەۋەجاي كەلەشەكتە حالىقارالىق جەنە ٸشكٸ رەيستەردە ساعاتىنا 250 ادام قابىلداۋعا قاۋقارلى بولماق. قۇرىلىس جۇمىستارىن تٷركييالىق «يدا ينشاات» كومپانيياسى جٷرگٸزۋدە. تٷركٸستان قالاسىنان 16 شاقىرىم قاشىقتىقتا ورنالاسقان ەۋەجايدىڭ اۋماعى 905,3 گەكتار اۋماقتى الىپ جاتىر. وندا ۇشۋ-قونۋ جولاعى جەنە باسقا دا نىساندار سالىنۋدا. قۇرىلىس جۇمىستارىنا 420 ادام تارتىلعان حالىقارالىق تەرمينال 2020 جىلدىڭ جەلتوقسان ايىندا پايدالانۋعا بەرٸلەدٸ دەپ كٷتٸلۋدە.
پرەمەر-مينيستر, سونداي-اق, حالىقارالىق ەۋەجايعا باراتىن جولدىڭ ساپاسىمەن دە تانىسىپ كٶردٸ. 16,3 شاقىرىمعا سوزىلىپ جاتقان جولدىڭ قۇرىلىسى تامىز ايىندا باستالعان. وبلىستىق جولاۋشىلار كٶلٸگٸ جەنە اۆتوموبيل جولدارى باسقارماسىنىڭ تاپسىرىسىمەن سالىنىپ جاتقان جولدىڭ قۇرىلىسى كەلەر جىلدىڭ جەلتوقسانىندا اياقتالادى دەپ كٷتٸلۋدە.
اسقار مامين ساپارى بارىسىندا تٷركٸستان قالاسىنداعى ەكٸمشٸلٸك ٸسكەرلٸك ورتالىعىنىڭ قۇرىلىس جۇمىستارى بارىسىن ارالاپ كٶردٸ. جاڭادان بوي كٶتەرٸپ جاتقان نىسانداردىڭ قۇرىلىسىمەن تانىسىپ, جاۋاپتىلارعا جۇمىستاردى قارقىنداتۋدى تاپسىردى. تٷركٸستان تۇرعىندارىنىڭ يگٸلٸگٸنە بٸرشاما ۋاقىتتان سوڭ بەرٸلەتٸن امفيتەاتر عيماراتىنىڭ قۇرىلىسى بيىل سەۋٸر ايىندا باستالعان بولاتىن. نىسان تولىقتاي سالىنىپ بٸتٸپ, تاياۋ كٷندەرٸ پايدالانۋعا بەرٸلەدٸ دەپ كٷتٸلۋدە. ماڭعىستاۋ وبلىسى ەكٸمدٸگٸنٸڭ سىيى رەتٸندە سالىنعان نىسان 1000 ورىنعا لايىقتالعان. زاماناۋي كەشەننٸڭ جالپى كٶلەمٸ 2400 شارشى مەتردٸ قۇرايدى. «رۋحاني-مەدەني ورتالىق» ايماعىنداعى 0,56 گەكتار جەرگە جٷرگٸزٸلٸپ جاتقان قۇرىلىس الاڭىندا 60 جۇمىسشى ەڭبەك ەتۋدە.
ٷكٸمەت باسشىسى مۇنان كەيٸن اقتٶبە ٶڭٸرٸنٸڭ تارتۋى رەتٸندە سالىنىپ جاتقان دراما تەاتردىڭ قۇرىلىس جۇمىسىمەن تانىستى. اتالعان نىسان تٷركٸستان مەن اقتٶبە وبلىستارىنىڭ بٸرٸگٸپ قارجىلاندىرۋىمەن جٷزەگە اسۋدا. 4 قاباتتان تۇراتىن عيماراتتىڭ جالپى كٶلەمٸ 9700 شارشى مەتردٸ قۇرايدى. بوي كٶتەرٸپ كەلە جاتقان مەدەني وشاق زاماناۋي ٷلگٸدە, بارلىق تالاپتارعا ساي سالىنۋدا. عيماراتتا 510 ادامعا ارنالعان كٶرەرمەن زالى, ارنايى اۆتوتۇراق ورنى بولادى. جاڭا دراما تەاتردىڭ قۇرىلىسى وسى جىلدىڭ ماۋسىم ايىندا باستالىپ, 2020 جىلدىڭ قازان ايىندا اياقتالادى دەپ جوسپارلانىپ وتىر.
