قر پرەمەر-مينيسترٸ اسقار مامين شىمكەنت قالاسىنا جۇمىس ساپارى اياسىندا قالانى دامىتۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى قر ٷكٸمەتٸنٸڭ باسپاسٶز قىزمەتٸ.
شىمكەنتتٸ دامىتۋدىڭ 2019-2023 جىلدارعا ارنالعان كەشەندٸ جوسپارىن ٸسكە اسىرۋ تۋرالى, ەلەۋمەتتٸك-ەكونوميكالىق جاعداي, ينفراقۇرىلىمدىق قۇرىلىس, ەلەكترمەن جەنە گازبەن جابدىقتاۋ, سونداي-اق, قالانىڭ 2020 جىلى تمد-نىڭ مەدەني استاناسى مەرتەبەسٸن الۋى اياسىندا ٸس-شارالاردى ٶتكٸزۋگە دايىندىعى تۋرالى شىمكەنت قالاسىنىڭ ەكٸمٸ مۇرات ەيتەنوۆ, مەدەنيەت جەنە سپورت مينيسترٸ اقتوتى رايىمقۇلوۆا, يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ, ۇلتتىق ەكونوميكا ۆيتسە-مينيسترٸ ەرمەك الپىسوۆ جەنە ەنەرگەتيكا ۆيتسە-مينيسترٸ جۇماباي قاراعاەۆ, «بەيتەرەك» ۇبح» اق باسقارما تٶراعاسى ايدار ەرٸپحانوۆ باياندادى.
«بيىل شىمكەنت تمد-نىڭ مەدەني استاناسى بولىپ تابىلادى. وسى جىلدىڭ رەسمي اشىلۋىنا قر پرەزيدەنتٸ قاسىم-جومارت كەمەلۇلى توقاەۆ قاتىسادى دەپ جوسپارلانعان», - دەدٸ ا. مامين.
ٷكٸمەت باسشىسى ٶزەكتٸ ەلەۋمەتتٸك-ەكونوميكالىق مەسەلەلەر مەن قالا تۇرعىندارىنىڭ تۇرمىس ساپاسىن ارتتىرۋ مەسەلەلەرٸن ۋاقىتىلى شەشۋدٸڭ, سونداي-اق تمد-نىڭ مەدەني استاناسى جىلى اياسىندا جوسپارلانعان بارلىق ٸس-شارالاردى جوعارى دەڭگەيدە ٶتكٸزۋدٸڭ ماڭىزدىلىعىن اتاپ ٶتتٸ.
ا. مامين تيٸستٸ مەملەكەتتٸك ورگاندارعا جەنە شىمكەنت قالاسىنىڭ ەكٸمدٸگٸنە تمد-نىڭ مەدەني استاناسى جىلى اياسىنداعى بارلىق ٸس-شارالارعا ساپالى دايىندىقتى قامتاماسىز ەتۋدٸ, سونىمەن قاتار ەكٸ اپتا مەرزٸم ٸشٸندە سۋمەن, ەلەكترمەن جەنە گازبەن جابدىقتاۋ, تۇرعىن ٷي قۇرىلىسى جەنە كٶلٸك سالالارىندا ينفراقۇرىلىمدىق جوبالاردى قارجىلاندىرۋ مەسەلەلەرٸن قاراۋدى تاپسىردى.
جۇمىس ساپاسى اياسىندا ا. مامين شىمكەنت قالاسىنداعى حالىقارالىق ەۋەجايداعى ٶتكٸزۋ قابٸلەتٸ ساعاتىنا 2000 جولاۋشىنى قۇرايتىن جولاۋشىلار تەرمينالىنىڭ سالىنۋ بارىسىمەن تانىستى, ونى بيىل قازان ايىنا قاراي اياقتاۋ جوسپارلانعان.
وڭتٷستٸك اەا ارالاۋ كەزٸندە ٷكٸمەت باسشىسىنا 1700-دەن اسا جاڭا جۇمىس ورنىن قۇرۋمەن جالپى سوماسى 58,8 ملرد تەڭگە بولاتىن, قازٸر ٸسكە اسىرىلىپ جاتقان 23 جوبا تۋرالى باياندالدى. ٸرٸ پەرسپەكتيۆالى جوبالاردىڭ بٸرٸ رەتٸندە 2020-2025 جىلدارى سالىناتىن سورعىلاۋ جابدىقتارى مەن قۇبىر ارماتۋراسىن ٶندٸرەتٸن زاۋىت قۇرىلىسى تانىستىرىلدى. جوبانىڭ قۇنى - 26,5 ملرد تەڭگە, 1500 جۇمىس ورنى قۇرىلادى.
پرەمەر-مينيستر ۇزاق جىلداردان بەرٸ جۇمىسى توقتاپ قالعان تٸگٸن جەنە جٸپ يٸرۋ توقىما فابريكالارىنا بارىپ, «قازاقستاننىڭ ينۆەستيتسييالىق قورى» اق-نىڭ ولاردى ٸسكە قوسۋ جەنە قازاقستاننىڭ توقىما كلاستەرٸن ودان ەرٸ دامىتۋ جوبالارىمەن تانىستى. كەسٸپورىنداردى بيىل پايدالانۋعا بەرۋ جوسپارلانىپ وتىر, بۇل 800-گە جۋىق جاڭا جۇمىس ورنى مەن قازاقستاندا ٶڭدەلەتٸن ماقتا كٶلەمٸنٸڭ ەكٸ ەسە ٶسٸمٸن قامتاماسىز ەتەدٸ.
ٷكٸمەت باسشىسى ارحەولوگييالىق قازبالار كەزٸندە تابىلعان «شىمكەنت قالاشىعى» (تسيتادەل) رەستاۆراتسييالاۋ جەنە مۋزەيلەندٸرۋ جوباسىنىڭ ٸسكە اسىرىلۋ بارىسىن تەكسەردٸ. مۇندا ەجەلگٸ دەۋٸر مۋزەيٸ, گالەرەيا, امفيتەاتر سالىناتىن بولادى. جوبانىڭ تاريحي قۇندىلىعى زور جەنە ول شىمكەنتتٸڭ تارتىمدى تۋريستٸك نىسانىنا اينالادى.
ٶڭٸردٸڭ تۋريستٸك ەلەۋەتٸن دامىتۋ اياسىندا ا. مامين سونىمەن قاتار شىمكەنت قالاسىنان 60 شاقىرىم قاشىقتىقتا ورنالاسقان تٷركٸستان وبلىسى تٶلە بي اۋدانىنداعى قاسقاسۋ شاتقالىنا بارىپ, «قاسقاسۋ» تۋريستٸك رەكرەاتسييا كەشەنٸنٸڭ جوباسىمەن تانىستى.
