قر پرەمەر-مينيسترٸ اسقار مامين كاتار مەملەكەتٸنٸڭ ساۋدا جەنە يندۋسترييا مينيسترٸ الي بەن احمەد ەل-كاۋاري باستاعان دەلەگاتسييانى قابىلدادى. بۇل تۋرالى "ۇلت اقپارات" primeminister.kz سٸلتەمە جاساپ حابارلايدى.
الي بەن احمەد ەل-كاۋاري قازاقستان ٷكٸمەتٸنٸڭ باسشىسىن جوعارى دەڭگەيدەگٸ V قازاقستان–كاتار بٸرلەسكەن كوميسسيياسىنىڭ ساراپشىلىق توبى وتىرىسىنىڭ قورىتىندىلارى تۋرالى حاباردار ەتتٸ.
ٷكٸمەت باسشىسى ساۋدا-ەكونوميكالىق, ينۆەستيتسييالىق, قارجى-بانك, اۋىل شارۋاشىلىعى جەنە باسقا دا سالالارداعى ىنتىماقتاستىقتى دامىتۋعا ەلەۋلٸ ەلەۋەتتٸڭ بار ەكەنٸن اتاپ ٶتتٸ.
ەلدەردٸڭ اراسىندا ۆيزاسىز رەجيم ورناتىلعان, جاقىندا نۇر-سۇلتان مەن دوحا اراسىندا تٸكەلەي رەيستەردٸ ٸسكە قوسۋ جوسپارلانعان. ودان كەيٸن استانالار اراسىندا عانا ەمەس, سونداي-اق الماتى مەن دوحا اراسىندا اپتاسىنا 7 رەت جيٸ رەيستەر ورىندالا باستايدى.
تاراپتار بيىل ناۋرىز ايىندا قازاقستانعا كاتار شەيحٸ ەمٸر تاميم بەن حاماد ەل-تانيدٸڭ كەلۋٸن, سونداي-اق ساۋدا-ەكونوميكالىق, ينۆەستيتسييالىق جەنە قارجى-بانك سالالارىنداعى ٶزارا ٸس-قيمىل پەرسپەكتيۆالارىن تالقىلادى.
كەزدەسۋگە قر ۇلتتىق ەكونوميكا مينيسترٸ ر. دەلەنوۆ, كاتار مەملەكەتٸندەگٸ قر تٶتەنشە جەنە ٶكٸلەتتٸ ەلشٸسٸ ا. شوقىباەۆ قاتىستى.
