QR Premer-Ministri Asqar Mamin Katar memleketiniń saýda jáne indýstriia ministri Ali ben Ahmed ál-Kaýari bastaǵan delegatsiiany qabyldady. Bul týraly "Ult aqparat" primeminister.kz silteme jasap habarlaidy.
Ali ben Ahmed ál-Kaýari Qazaqstan Úkimetiniń basshysyn joǵary deńgeidegi V Qazaqstan–Katar birlesken komissiiasynyń sarapshylyq toby otyrysynyń qorytyndylary týraly habardar etti.
Úkimet basshysy saýda-ekonomikalyq, investitsiialyq, qarjy-bank, aýyl sharýashylyǵy jáne basqa da salalardaǵy yntymaqtastyqty damytýǵa eleýli áleýettiń bar ekenin atap ótti.
Elderdiń arasynda vizasyz rejim ornatylǵan, jaqynda Nur-Sultan men Doha arasynda tikelei reisterdi iske qosý josparlanǵan. Odan keiin astanalar arasynda ǵana emes, sondai-aq Almaty men Doha arasynda aptasyna 7 ret jii reister oryndala bastaidy.
Taraptar biyl naýryz aiynda Qazaqstanǵa Katar sheihi ámir Tamim ben Hamad ál-Tanidiń kelýin, sondai-aq saýda-ekonomikalyq, investitsiialyq jáne qarjy-bank salalaryndaǵy ózara is-qimyl perspektivalaryn talqylady.
Kezdesýge QR ulttyq ekonomika ministri R. Dálenov, Katar memleketindegi QR tótenshe jáne ókiletti elshisi A. Shoqybaev qatysty.
