بٷگٸن اقپارات جەنە قوعامدىق دامۋ مينيسترٸ ايدا بالاەۆانىڭ تٶراعالىعىمەن اقپاراتقا قول جەتكٸزۋ مەسەلەلەرٸ جٶنٸندەگٸ كوميسسييانىڭ كەزەكتٸ وتىرىسى ٶتتٸ, دەپ حابارلايدى قازاقپارات.
«بٸزدٸڭ مينيسترلٸگٸمٸز اشىقتىق پرينتسيپٸن ۇستانعاندىقتان, كوميسسييا وتىرىسى Facebook جەلٸسٸندە تٸكەلەي ەفيردە بەرٸلەدٸ. جالپى, بٷگٸنگٸ وتىرىسقا كوميسسييانىڭ 18 مٷشەسٸنٸڭ 16-سى قاتىسىپ وتىر. وتىرىس بارىسىندا تٶرت مەسەلە قارالادى», - دەدٸ مينيستر.
وتىرىستا «اشىق ٷكٸمەت» پورتالدارىن تانىمال ەتۋ جەنە دامىتۋ جٶنٸندەگٸ شارالار تۋرالى اقپارات تىڭدالدى.
ا. بالاەۆانىڭ ايتۋىنشا, بۇل سالاداعى باستامالاردى جەتٸلدٸرۋ كەرەك.
«ٶزدەرٸڭٸز كٶرٸپ وتىرسىزدار, «اشىق ٷكٸمەت» پورتالدارىنىڭ جۇمىسىنا حالىقتىڭ قاتىسۋى تٶمەن, ونى مويىنداۋىمىز قاجەت. تەك باسشىلاردىڭ بلوك-پلاتفورمالارىنا كەلٸپ تٷسكەن ٶتٸنٸشتەردٸڭ سانى 27 مىڭنان 37 مىڭعا دەيٸن ٶسكەن. ول دا بولسا بارلىق باسشىلارعا قاتىستى دەپ ايتا المايمىز. باستى سەبەپ نەدە? ەڭ الدىمەن, وسى پورتالداردىڭ تەحنيكالىق كەمشٸلٸكتەرٸ مەن زاڭنامالىق ولقىلىقتارى دەپ بٸلەمٸن. سوندىقتان بۇل قادامداردى جەتٸلدٸرۋٸمٸز كەرەك, قازٸر جاقسى ۇسىنىستار تٷسٸپ جاتىر. قوعامدىق ينستيتۋتتار دا بٸزبەن تىعىز قاتىناستا جۇمىس ٸستەۋگە دايىن. وسى ورايدا بٸرٸنشٸ كەزەكتە ٶزٸمٸزگە تٸكەلەي تەۋەلدٸ سۇراقتاردى شەشۋٸمٸز قاجەت. ەكٸنشٸدەن, حالىقتىڭ تسيفرلىق ساۋاتتىلىعىن كٶتەرۋگە بارىنشا اتسالىسۋىمىز كەرەك. بۇل تۇرعىدا جان-جاقتى اقپاراتتىق تٷسٸندٸرۋ جۇمىستارىن جەتٸلدٸرۋدٸڭ قاجەتتٸگٸ بار دەپ سانايمىن. وعان بٸزدٸڭ مينيسترلٸك ٶز تاراپىنان اتسالىسۋعا دايىن», - دەدٸ ۆەدومستۆو باسشىسى.
بۇدان بٶلەك, جيىن بارىسىندا جەكە دەرەكتەردٸ قورعاۋ مەسەلەسٸ دە تالقىلاندى. سونىمەن قاتار, وتىرىستا قازاقستان رەسپۋبليكاسىنىڭ سالالىق زاڭناماسىن ونىڭ اقپاراتقا قول جەتكٸزۋ سالاسىنداعى تالاپتارعا, ستاندارتتار مەن قاعيداتتارعا سەيكەستٸگٸ تۇرعىسىنان تەكسەرۋ قورىتىندىلارى قارالدى.
ا. بالاەۆا جاسالعان ۇسىنىستاردى تىڭداي كەلە, ەلٸمٸزدە قوعامدىق باقىلاۋ تۋرالى زاڭ جوباسى دايىندالىپ جاتقانىن ايتتى.
«اقپارات مينيسترلٸگٸ قوعامدىق باقىلاۋ تۋرالى زاڭ جوباسى بويىنشا جۇمىسقا كٸرٸسەدٸ. بۇل باعىتتا مەملەكەت باسشىسىنىڭ ناقتى تاپسىرماسى بولدى. سوندىقتان بٸز جۇمىس توبىن قۇرۋدامىز, زاڭ جوباسىنداعى تيٸستٸ نورمالاردى ازاماتتىق قوعام ينستيتۋتتارىمەن بەلسەندٸ تالقىلايتىن بولامىز. جالپى, بٷگٸنگٸ كوميسسييا وتىرىسىنا ەنگٸزٸلگەن بارلىق تاقىرىپتار تالقىلاندى. ولار بويىنشا تيٸستٸ شەشٸمدەردٸ بٸرلەسە قابىلدايمىز», - دەدٸ مينيستر.
ايتا كەتەيٸك, تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸ اقپاراتتىق قاۋٸپسٸزدٸك كوميتەتٸنٸڭ تٶراعاسى رۋسلان ەبدٸحالىقوۆ جەنە ٸشكٸ ٸستەر مينيسترٸنٸڭ ورىنباسارى سەكەن سەرسەنوۆ جەكە دەرەكتەردٸ قورعاۋ بويىنشا قابىلدانىپ جاتقان شارالار جايىندا باياندادى.
