قر اۋىل شارۋاشىلىعى مينيسترٸنٸڭ بٸرٸنشٸ ورىنباسارى ايداربەك ساپاروۆ ٷكٸمەت وتىرىسىندا اگروٶنەركەسٸپتٸك كەشەندٸ دامىتۋدىڭ ۇلتتىق جوباسى مەن 2030 جىلعا دەيٸنگٸ تۇجىرىمداماسى اياسىندا پارنيكتٸك گاز شىعارىندىلارىن ازايتۋ جوسپارلانعانىن ايتتى, دەپ حابارلايدى قازاقپارات.
«مال شارۋاشىلىعىندا مەتان شىعارىندىلارىن ازايتۋ ٷشٸن كٶڭ مەن قۇس ساڭعىرىعىن ٶڭدەيتٸن جابدىققا 25% ينۆەستيتسييالىق سۋبسيدييالاۋ تٶلەنە باستادى. ٶسٸمدٸك شارۋاشىلىعىندا كٷرٸش, ماقتا سيياقتى سۋدى كٶپ قاجەت ەتەتٸن داقىلداردىڭ القابىن ازايتۋ ٷشٸن ەگٸس قۇرىلىمىن ەرتاراپتاندىرۋ جالعاسادى», - دەدٸ ايداربەك ساپاروۆ.
ونىڭ ايتۋىنشا, زاماناۋي تسيفرلىق تەحنولوگييالاردى ەنگٸزۋ, عارىشتىق مونيتورينگ پەن جەردٸ قاشىقتان زوندتاۋ نەتيجەلەرٸن پايدالانۋ تەحنولوگييالارى سالاعا دەندەپ ەنٸپ كەلەدٸ.
«اگروتەحنولوگييالاردى ساقتاۋ ٷشٸن قازٸرگٸ زامانعى تۇقىم سورتتارى مەن تىڭايتقىشتار, ٶسٸمدٸك قورعاۋعا ارنالعان بيولوگييالىق قۇرالدار ساتىپ الۋعا دا قولداۋ كٶرسەتٸلەدٸ. بۇل رەتتە, اٶك دامىتۋ تۇجىرىمداماسى شەڭبەرٸندە ورگانيكالىق تىڭايتقىشتاردى ساتىپ الۋ كەزٸندە اۋىل شارۋاشىلىعى تاۋارىن ٶندٸرۋشٸلەردٸڭ شىعىندارىن ٶتەۋ كٶزدەلمەك. سالانى تەحنيكالىق تۇرعىدا جاراقتاندىرۋ ٷشٸن اۋىل شارۋاشىلىعى تەحنيكاسىن ساتىپ الۋدى, جەڭٸلدەتٸلگەن ليزينگتٸ سۋبسيدييالاۋ, وتاندىق اۋىل شارۋاشىلىعى ماشيناسىن جاساۋدى دامىتۋ باعدارلامالارىن اۋقىمدى ٸسكە اسىرۋ جالعاسادى», - دەگەن ۆيتسە-مينيستر ىلعال ٷنەمدەۋ شارالارىنا توقتالدى.
«سونداي-اق, سۋ ٷنەمدەۋ تەحنولوگييالارىن ەنگٸزۋ, گيدرومەليوراتيۆتٸك قىزمەتتٸڭ ماتەريالدىق-تەحنيكالىق بازاسىن جاقسارتۋ جەنە ولاردىڭ قىزمەت ايماعىن كەڭەيتۋ ارقىلى سۋارمالى ەگٸنشٸلٸكتٸ دامىتۋ بويىنشا شارالار قابىلدانۋدا. بۇل رەتتە, زاماناۋي سۋارۋ جٷيەلەرٸن ساتىپ الۋ قۇنىنىڭ 50% دەيٸن ينۆەستيتسييالىق سۋبسيدييالاۋ قاراستىرىلعان», - دەپ تٷيٸندەدٸ ايداربەك ساپاروۆ.
