قازاقستاندىق كەسٸپقوي بوكسشىلار مادييار ەشكەەۆ (13-0, 6كو) پەن مەيٸرٸم نۇرسۇلتانوۆ (12-0, 8كو) WBC بەلدٸكتەرٸ ٷشٸن جەكپە-جەك ٶتكٸزەدٸ, دەپ حابارلايدى "ۇلت اقپارات".
«قازاقستان كەسٸپقوي بوكسى» اككاۋنتى ۆكونتاكتە ەلەۋمەتتٸك جەلٸسٸندە مەلٸم ەتكەندەي, مادييار ەشكەەۆ كاليفورنييا شتاتىندا ٶتەتٸن بوكس كەشٸنٸڭ باستى جەكپە-جەگٸندە ٶنەر كٶرسەتەدٸ. ول WBC نۇسقاسى بويىنشا اقش چەمپيونى بەلدٸگٸ ٷشٸن 21 مەرتە جەڭٸسكە جەتكەن كلەوتيس پەندارۆيسپەن (21-5-2, 9كو) جۇدىرىق تٷيٸستٸرەدٸ. ايقاس 9 قاراشادا گاۆايان گاردەنس قالاسىندا ٶتەدٸ.
BoxRec.com اقپاراتىنا سٷيەنسەك, 33 جاستاعى كلەوتيس پەندارۆيسپەن ايقاستا WBC نۇسقاسى بويىنشا بٸرٸنشٸ ورتا سالماقتاعى تيتۋل ساراپقا سالىنادى. سوڭعى ايقاسىن مادييار ەشكەەۆ 5 شٸلدەدە ۋكراينالىق يگور فانييانعا قارسى ٶتكٸزٸپ, جەڭٸس تۇعىرىنان كٶرٸنگەن ەدٸ. ال پەندارۆيس ٶزٸنٸڭ سوڭعى جەكپە-جەگٸندە ابەل سانچەستٸڭ شەكٸرتٸ ۋكراينالىق سەرگەي بوگاچۋككە (15-0, 15كو) ەسە جٸبەرگەن.
ال قازاقستاندىق تاعى بٸر كەسٸپقوي بوكسشى مەيٸرٸم نۇرسۇلتانوۆ جەنٸبەك ەلٸمحانۇلىنىڭ بۇرىنعى قارسىلاسى مەكسيكالىق كريستيان وليۆاسپەن (16-5, 13كو) كەزدەسەدٸ.
BoxRec.com اقپاراتىنا ساي, 27 جاستاعى مەكسيكالىق وتانداسىمىزبەن ورتا سالماقتا WBC (USNBC) نۇسقاسى بويىنشا اقش چەمپيونى اتاعى ٷشٸن باق سىناسپاق. ايقاس 10 راۋندقا ەسەپتەلگەن. ايتا كەتسەك, مەيٸرٸم نۇرسۇلتانوۆ كانەلو-كوۆالەۆ ايقاسىنىڭ اندەركارتىندا جەكپە-جەككە شىعاتىنى بۇعان دەيٸن حابارلانعان بولاتىن.
وليۆاس وسى جىلدىڭ 12 سەۋٸرٸندە جەنٸبەك ەلٸمحانۇلىمەن (7-0, 3كو) شىعىپ, ەسە جٸبەرگەن ەدٸ.
