قر ٷكٸمەتٸنٸڭ قاۋلىسىمەن ەسەت ارمانۇلى يرعاليەۆ قر ۇلتتىق ەكونوميكا ۆيتسە-مينيسترٸ قىزمەتٸنە تاعايىندالدى, دەپ حابارلايدى ٷكٸمەتتٸڭ باسپاسٶز قىزمەتٸ.
ەسەت يرعاليەۆ 1986 جىلى قوستاناي قالاسىندا دٷنيەگە كەلگەن. 2008 جىلى قازاقستاندىق مەنەدجمەنت, ەكونوميكا جەنە بولجامداۋ ينستيتۋتىن, شۆەتسييادا حالىقارالىق بيزنەس مەكتەبٸن, 2009 جىلى — يورك ۋنيۆەرسيتەتٸن جەنە 2010 جىلى — نوتتينگەم ۋنيۆەرسيتەتٸن تەمامداعان. ماماندىعى — ەكونوميست. مەملەكەتتٸك – قازاق, ورىس, اعىلشىن جەنە نەمٸس تٸلدەرٸن مەڭگەرگەن.
ەڭبەك جولىن 2010 جىلعى قىركٷيەك ايىندا لوندونداعى ەۋروپا قايتا قۇرۋ جەنە دامۋ بانكٸنٸڭ (ەققدب) ەكونوميكا دەپارتامەنتٸندە شىعىس ەۋروپا جەنە كاۆكاز بويىنشا ەكونوميكالىق ساياساتتىڭ ايماقتىق تالداۋشىسى رەتٸندە باستاعان. 2011 جىلعى قازان ايىنان 2012 جىلعى قاراشا ارالىعىندا وسى دەپارتامەنتتە باس ٶڭٸرلٸك تالداۋشى بولىپ قىزمەت اتقارعان. 2011 جىلعى قاراشا ايىندا بانكتٸڭ ٶڭٸرلٸك ەكونوميستٸ بولىپ ەڭبەك ەتكەن.
2013 جىلعى قاڭتاردا «ەكونوميكالىق زەرتتەۋلەر ينستيتۋتى» اق كەسٸپكەرلٸكتٸ دامىتۋ ورتالىعىنىڭ ديرەكتورى بولىپ تاعايىندالعان. اتالعان قۇرىلىمدا ە. يرعاليەۆ 2016 جىلدىڭ باسىنا دەيٸن باسقارما تٶراعاسىنىڭ بٸرٸنشٸ ورىنباسارى, باسقارما تٶراعاسىنىڭ ورىنباسارى, ۆيتسە-پرەزيدەنت لاۋازىمدارىن اتقارعان. 2016 جىلعى اقپان ايىندا «ەكونوميكالىق زەرتتەۋلەر ينستيتۋتى» اق باسقارما تٶراعاسى بولىپ تاعايىندالعان.
2016 جىلعى قازان ايىندا «بەيتەرەك» ۇبح» اق باسقارما تٶراعاسىنىڭ كەڭەسشٸسٸ قىزمەتٸن اتقاردى, 2016 جىلعى جەلتوقساندا قر پرەمەر-مينيسترٸنٸڭ كەڭەسشٸسٸ بولىپ تاعايىندالعان.
2017-2018 جىلدارى قر پرەمەر-مينيسترٸ كەڭسەسٸنٸڭ جوبالىق باسقارۋ ورتالىعىنىڭ مەڭگەرۋشٸسٸ لاۋازىمىن اتقارعان.
2018 جىلعى قىركٷيەكتەن 2019 جىلعى ناۋرىز ارالىعىندا قر ۇلتتىق ەكونوميكا ۆيتسە-مينيسترٸ قىزمەتٸن اتقارعان.
2019 جىلعى ناۋرىزدان قازٸرگٸ تاڭعا دەيٸن قر پرەمەر-مينيسترٸنٸڭ كەڭسەسٸ باسشىسىنىڭ ورىنباسارى بولىپ قىزمەت كەتكەن.
