ٷيدەگٸ پروبلەماسىن سوتتا شەشەمٸن دەۋشٸلەر كٶبەيٸپ بارادى. بۇل تۋرالى بٷگٸن سوت تٶرەلٸگٸن جٷزەگە اسىرۋدىڭ 2017 جىلعى قورىتىندىسىنا ارنالعان كەڭەيتٸلگەن كەڭەستە قر جوعارعى سوتىنىڭ تٶراعاسى جاقىپ اسانوۆ ايتتى, دەپ حابارلايدى قازاقپارات.
«ازاماتتىق ٸستەر قاتتى كٶبەيٸپ كەلەدٸ, 5 جىلدا ەكٸ ەسە. 2013 جىلى 560 مىڭ بولسا, بىلتىر 900 مىڭعا جەتتٸ. الماتىنىڭ ەۋەزوۆ اۋدانىندا بٸر سۋديا كٷنٸنە 12 ٸس پەن ماتەريالدى قارايدى ەكەن. 4 جىلدا جٷكتەمە 4 ەسەگە ٶستٸ. سۋديالار قاعازعا كٶمٸلۋدە. ادامداردى كونۆەينەرگە اينالدىرساق, ساپا قايدان بولسىن. ەر ٸس بويىنشا ەكٸ تاراپ. سوندا قاراپ وتىرساق, 900 مىڭ ٸس بولسا, كەمٸندە 2 ميلليونداي ادام سوت ەۋرەسٸندە جٷر. وعان سوت اپپاراتىن, پروكۋرورلاردى, ادۆوكاتتاردى, ساراپشىلاردى, سوت ورىنداۋشىلارىن قوسىڭىز. بۇل جالپى بيۋدجەتكە ٷلكەن سالماق. ال ەلٸمٸزدٸڭ دامۋىنا ٷلكەن كەدەرگٸ», - دەدٸ جاقىپ اسانوۆ.
ونىڭ ايتۋىنشا, ارىزدانىپ جٷرگەندەر بالا-شاعا, قالشىلداعان قارت ەمەس. كٶبٸسٸ بيزنەس جاساپ, جۇمىس ورىندارىن اشىپ, ەلگە پايدا كەلتٸرٸپ جٷرگەندەر. ولار كەسٸبٸن ىسىرىپ قويىپ, التىن ۋاقىتتارىن وسىنداي سوتتاسۋعا جۇمساۋدا.
«بٸرٸ مەنشٸگٸن داۋلايدى, ەكٸنشٸسٸ قارىزىن تالاپ ەتەدٸ, ٷشٸنشٸسٸ ەڭبەكاقىسىن ٶندٸرگٸسٸ كەلەدٸ. ٷيدەگٸ پروبلەماسىن سوتتا شەشەمٸن دەۋشٸلەر دە كٶپ. اعاسى ٸنٸسٸمەن, ەكەسٸ بالاسىمەن سوتتاسىپ جاتقان جاعداي از ەمەس. كەسٸپكەردەن «جاعدايىڭ قالاي?» دەپ سۇراساڭ «بٸرەۋمەن سوتتاسىپ جاتىرمىن» دەگەندٸ جيٸ ەستيسٸڭ. سوندا قالاي? تابيعاتىنان سابىرلى, جانجالدى جاقتىرمايتىن حالقىمىز داۋعا قۇمار بولىپ كەتكەنٸ مە? باسىمىز پٸسپەي قالسا, دەرەۋ سوتقا جٷگٸرەمٸز. قيت ەتسەك سول. ەكٸاراداعى داۋدى سوت ارەناعا شىعارىپ, ايقاي-شۋمەن شەشكٸمٸز كەلەدٸ. بٸتٸمگە كەلۋ, تاتۋلاسۋ, كەلٸسۋ مەدەنيەتٸمٸز قايدا جوعالىپ كەتتٸ?», - دەدٸ جوعارعى سوت تٶراعاسى.
سونىمەن قاتار سوتقا ارىز بەرمەي جاتىپ, تانىس ٸزدەي باستايتىندىعىمىزدى دا سىنادى.
«سوتتا اعام بار, كٶكەم بار دەپ قورقىتامىز. سونداعى ماقسات - ەدٸلدٸك ەمەس. وپپونەنتتەن ٶش الۋ, ابرويىن ايرانداي تٶگۋ. سوندىقتان ەلباسىمىز دامۋىمىزعا كەدەرگٸ بولاتىن وسىنداي ەدەتتەردەن ارىلۋىمىز قاجەت دەپ شەگەلەپ ايتتى. رۋحاني جاڭعىرامىز دەسەك, سونىڭ نەگٸزٸگٸ بٸر شارتى - وسى», - دەدٸ ول.
