الماتىدا مەملەكەتتٸك حاتشى قىرىمبەك كٶشەرباەۆ مەدەنيەت جەنە ٶنەر قايراتكەرلەرٸنە قر تۇڭعىش پرەزيدەنتٸنٸڭ مەدەنيەت سالاسىنداعى مەملەكەتتٸك ستيپەنديياسىن تاپسىردى, دەپ حابارلايدى قازاقپارات.
75 ەدەبيەت پەن ٶنەر قايراتكەرٸنە مەملەكەتتٸك ستيپەندييا تاعايىندالدى . ولاردىڭ اراسىندا اسانەلٸ ەشٸموۆ, سەبيت دوسانوۆ, نۇرعالي نٷسٸپجانوۆ, دۋلات يسابەكوۆ جەنە باسقا دا ٶنەر مايتالماندارى بار.
بەلگٸلٸ جازۋشى, قازاقستان رەسپۋبليكاسىنا ەڭبەك سٸڭٸرگەن قايراتكەر سەبيت دوسانوۆتىڭ ايتۋىنشا, تۇڭعىش پرەزيدەنت ستيپەنديياسىن جىلدا الادى.
«بۇل ستيپەندييانى الىپ جٷرگەنٸمە 15 جىلدان استى. اتالعان ماراپات شىعارماشىلىق ادامدارىنا كەرەك دەپ ويلايمىن. مورالدٸك جاعىنان بولسىن, ماتەريالدىق جاعىنان بولسىن. ادامعا جاڭا شىعارما جازۋعا شابىت بەرەدٸ. تٸل مەن مەدەنيەتكە مەملەكەت ٷلكەن كٶڭٸل بٶلٸپ جاتىر. مەملەكەت باسشىسى مەن ەلباسىنا العىسىم شەكسٸز», - دەيدٸ قالامگەر.
قازاقستاننىڭ حالىق ەرتٸسٸ, مەملەكەتتٸك سىيلىقتىڭ لاۋرەاتى اسانەلٸ ەشٸموۆ تە - وسى ستيپەندييانىڭ تۇراقتى يەگەرٸ.
«وسى ستەپەندييا پايدا بولعالى الىپ جاتىرمىن. ٶنەر ادامدارىنا كٶڭٸل بٶلٸپ وتىرعان پرەزيدەنت قاسىم-جومارت توقاەۆقا راحمەت. پاندەميياعا قاراماستان ەلدە كٶپ شارۋا اتقارىلدى. ابايدىڭ 175 جىلدىعى حالىقارالىق دەڭگەيدە, جوعارى دەرەجەدە اتالىپ ٶتتٸ. الاش ازاماتتارىن ۇلىقتاپ جاتىرمىز, بۇل جاقسى. ٶتكەندٸ ۇمىتۋعا بولمايدى. ٶتكەنسٸز كەلەشەك جوق. ەرقاشاندا جاقسىلىققا ۇمتىلۋ كەرەك. ەلٸمٸزدە قۋانىش پەن توي كٶپ بولسىن»,-دەيدٸ اسانەلٸ ەشٸموۆ.
ايتا كەتۋ كەرەك, ستيپەندييالار جىل سايىن قازاقستاننىڭ مەدەنيەتٸنٸڭ قۇرىلۋىنا, ساقتالۋىنا جەنە دامۋىنا قوسقان ٷلەسٸ ٷشٸن قۇرمەتتٸ اتاقتار مەن مەملەكەتتٸك ناگرادالارمەن ماراپاتتالعان شىعارماشىلىق قىزمەتكەرلەرٸ مەن مەدەنيەت قىزمەتكەرلەرٸن مەملەكەتتٸك قولداۋ ماقساتىندا بەرٸلەدٸ.
بۇعان دەيٸن قر مەملەكەتتٸك حاتشىسى قىرىمبەك كٶشەرباەۆ قازاقستاننىڭ حالىق ارتيسٸ, مەملەكەتتٸك سىيلىقتىڭ لاۋرەاتى, م.ەۋەزوۆ اتىنداعى قازاق ۇلتتىق اكادەمييالىق دراما تەاترىنىڭ اكتەرٸ سەبيت ورازباەۆقا ٸ دەرەجەلٸ «بارىس» وردەنٸن سالتاناتتى تٷردە تابىس ەتكەن بولاتىن.
