قازاقستاندىق شاڭعىشى الەكسەي پولتورانين قان دوپينگٸن قولدانعان جوق. بۇل تۋرالى بٷگٸن ٷكٸمەت وتىرىسىنان كەيٸنگٸ باسپاسٶز مەسليحاتىندا مەدەنيەت جەنە سپورت مينيسترٸ ارىستانبەك مۇحامەديۇلى مەلٸم ەتتٸ, دەپ حابارلايدى قازاقپارات تٸلشٸسٸ.
ونىڭ ايتۋىنشا, مەدەنيەت جەنە سپورت مينيسترلٸگٸ WADA-عا ارنايى سۇرانىس جٸبەرٸپ, اتالعان اگەنتتٸك قازاقستاندىق سپورتشى تاراپىنان دوپينگ قولدانۋعا ۇمتىلۋ ەرەكەتٸنٸڭ بولعاندىعىن راستاعان.
«باقىتىمىزعا وراي, پولتارانين قان دوپينگٸن قولدانباعان. بٸراق گەرمانييادا دەرٸگەرگە بارىپ, قان تاپسىرعان. بۇل دەلەلدەنگەن. قازٸر ادۆوكاتتارمەن جەنە زاڭگەرلەرمەن بايلانىسىپ وتىرمىز. سپورتشىنىڭ كٸنەسٸ دوپينگ پايدالانۋ ەمەس, ونى پايدالانۋعا ەرەكەتتەنۋ. باس جاتتىقتىرۋشى دا قان قۇيدىرماعانىن ايتىپ وتىر. ٶز قانىن قابىلداۋ بولعان جوق. اۆسترييالىق پوليتسييا قىزمەتٸ دە رەسمي مەلٸمدەدٸ. بٸز سۇرانىس جٸبەرگەن ەدٸك», - دەدٸ مينيستر.
سونىمەن قاتار, ول «سپورتقا قارسى ەرەكەتكە» بارۋعا تٷبەگەيلٸ قارسى ەكەندٸگٸن باسا ايتتى.
«سپورت سالاسىنداعى زاڭناماعا ٶزگەرتۋلەر ەنگٸزەمٸز. نورمالار, كٸم دوپينگ قولدانسا, سوعان جازا قاراستىرادى. بٸزدٸڭ ۇستانىمىمىز ايقىن - دوپينگكە قارسىمىز. ول ەش ۋاقىتتا جاقسىلىققا اپارمايدى. مەدال سوڭىنان قۋۋ تٷبٸندە ەشكەرە بولادى. ونىڭ بٸزگە قاجەتٸ قانشا? لوندون وليمپياداسى بولعاندا 7 مەدال العان سپورتشىلارىمىزدى قۇرمەتتەدٸك. سودان كەيٸن 4 التىن مەدالدى قايتارىپ الدى. مۇنداي فاكتٸلەردٸڭ قاجەتٸ قانشا? سوندىقتان زاڭناماعا قاتاڭ نورما ەنگٸزەمٸز», - دەدٸ ارىستانبەك مۇحامەديۇلى.
ەستەرٸڭٸزگە سالساق, 27 اقپاندا نەمٸس جۋرناليسٸ حايو زەپپەلت تۆيتتەرٸندە اۆسترييانىڭ زەەفەلدە قالاسىندا شاڭعى جارىسىنان ٶتٸپ جاتقان ەلەم چەمپيوناتىندا قازاقستان, اۆسترييا مەن ەستونييا سپورتشىلارى انتيدوپينگتٸك ەرەجەلەردٸ بۇزدى دەگەن كٷدٸككە ٸلٸنگەنٸن جازدى. ولاردىڭ قاتارىندا الەكسەي پولتورانين دا بار ەدٸ.
سونداي-اق, مينيستر باسپاسٶز مەسليحاتىندا الماتى وبلىسىنداعى تاۋ شاڭعىسى كۋرورتتارى بٸر اسپالى جولمەن بايلانىستىرىلاتىنىن ايتتى.
«ەڭ الدىمەن الماتى وبلىسىندا تاۋ شاڭعى سپورتىن دامىتامىز. قازٸر شىمبۇلاقتا ادام ٶتە كٶپ. ونىڭ جانىندا تاباعان بار. ورمان ەرتەگٸسٸ دەگەن جەردەن تاۋ شاڭعىسىنا ارنالعان تاعى بٸر كۋرورت سالىنىپ جاتىر. تالعار اۋدانىندا اقبۇلاق بار. بٸزدٸڭ ەندٸگٸ ماقساتىمىز - ولاردىڭ بارلىعىن بٸر اسپالى جولمەن بٸرٸكتٸرۋ», - دەدٸ مينيستر.
ونىڭ ايتۋىنشا, الماتى وبلىسىنداعى تاۋ شاڭعىسى كۋرورتىنا دەمالۋعا كەلگەن ادامدار جول ماشاقاتىن تارتىپ جاتادى. مەسەلەن, شىمبۇلاققا بارۋ ٷشٸن بٷكٸل قالانى باسىپ ٶتٸپ, مەدەۋگە بارىپ, ودان كەيٸن عانا دٸتتەگەن جەرٸنە جەتەدٸ.
«ال ەندٸ ەۋەجايعا كەلگەن ادام 10 شاقىرىم جەردەگٸ بەسقاراعايعا نەمەسە اقبۇلاققا بارادى. ول جەردە قوناقٷي, بارلىعى ورنالاسادى. ودان كەيٸن اسپالى جولعا وتىرىپ شىمبۇلاققا, تاباعانعا بارا الادى. قازٸر تاۋ شاڭعىسى ٷشٸن وڭتٷستٸك كورەيا مەن ەۋروپادان ٶتە كٶپ ادام الماتىعا كەلەدٸ. الاتاۋ بٸزدٸڭ جۇماعىمىز دەسەك تە بولادى, ەپپاق قار بار, كٷن جارقىراپ تۇرادى. باسقا ەلدەرگە بارساڭ, سۋىق», - دەدٸ ارىستانبەك مۇحامەديۇلى.
