قر مەدەنيەت جەنە سپورت مينيسترٸ ارىستانبەك مۇحامەديۇلى مەملەكەت باسشىسى قول قويعان قازاقستان تاريحىنداعى العاشقى «كينەماتوگرافييا تۋرالى» زاڭنىڭ وتاندىق كينوٶنەرگە نە بەرەتٸنٸن ايتىپ بەردٸ, دەپ حابارلايدى قازاقپارات تٸلشٸسٸ.
استانادا ٶتٸپ جاتقان قر مەدەنيەت جەنە سپورت مينيسترلٸگٸنٸڭ كەڭەيتٸلگەن القا مەجٸلٸسٸندە ارىستانبەك مۇحامەديۇلى ٶز باسقارۋىنداعى ۆەدومستۆو ۇلتتىق كينونىڭ دامۋىنا ەرەكشە كٶڭٸل بٶلٸپ كەلە جاتقانىن اتاپ ٶتتٸ.
«مەملەكەت باسشىسى قازاقستان تاريحىنداعى العاشقى «كينەماتوگرافييا تۋرالى» زاڭعا قول قويدى. كينوقاۋىمداستىق ٷشٸن جەنە قازاقستاندىقتار ٷشٸن بۇل تاريحي وقيعا بولدى. بٸز بارلىق پروگرەسسيۆتٸ ەلەمدە كينوٶنەر - قوعامنىڭ دامۋىنا جەنە قوعامدىق سانانىڭ قالىپتاسۋىنا ىقپال ەتە وتىرىپ, وراسان زور ەلەۋمەتتٸك جەنە يدەولوگييالىق ەسەرگە يە ەكەنٸن جاقسى تٷسٸنەمٸز. ەكٸنشٸدەن, قازاقستاندىق كينونى جاپپاي پروكاتتا ٸلگەرٸلەتۋگە جەردەمدەسەتٸن جەنە ونىڭ شەتەلدٸك فيلمدەر الدىندا باسىمدىعىن قامتاماسىز ەتەتٸن جەنە ٷشٸنشٸدەن, ۇلتتىق كينوعا ەلەمدٸك كينوعا شىعۋعا مٷمكٸندٸك بەرەتٸن زاڭ قابىلداندى», - دەدٸ مينيستر.
ارىستانبەك مۇحامەديۇلى ٶز بايانداماسىندا ەلەۋمەتتٸك جەلٸدە تاراعان اقپاراتتاردان دا حاباردار ەكەنٸن بٸلدٸردٸ.
«بٸزدە زاڭدى وقىماعان كەيبٸر ازاماتتار بيٸك مٸنبەردەن سٶز سٶيلەپ, قالجىڭمەن شابۋىل جاساعىسى كەلەدٸ. ال شىنتۋايتىنا كەلگەندە بۇل زاڭ - بٸرەگەي. مەن سٸزدەرگە سەنٸمدٸ تٷردە 1-2 جىلدان كەيٸن قازاق كينوسى حالىقارالىق دەڭگەيدە جارقىرايتىنىن ايتقىم كەلەدٸ. سەبەبٸ, بۇل زاڭ باردا, بٸزدٸڭ كەرەمەت رەجيسسەرلەرٸمٸز بەن اكتەرلەرٸمٸز باردا مىقتى تۋىندىلار ٶمٸرگە كەلەرٸ انىق», - دەيدٸ مينيستر.
ارىستانبەك مۇحامەديۇلى جاڭا زاڭ بويىنشا ۇلتتىق كينولارعا ماڭىز بەرٸلەتٸنٸن اتاپ ٶتتٸ.
«بٸزدٸڭ ۇلتتىق كينو 12 پايىزدىق قوسىمشا قۇنعا سالىناتىن سالىقتان بوساتىلادى. كينو تٷسٸرٸپ جٷرگەندەر مۇنداي جەڭٸلدٸكتٸڭ ماڭىزىن بٸلەدٸ. بٸز زاڭدا فرانتسييا, اقش, رەسەي مەن قىتاي, وڭتٷستٸك كورەيا سەكٸلدٸ كينوٶندٸرٸسٸ دامىعان ەلدەردٸڭ تەجٸريبەسٸن نەگٸزگە الدىق», - دەدٸ ارىستانبەك مۇحامەديۇلى.
