ارىستاعى جارىلىستان مەشٸتتەر امان قالدى

ەلەۋمەتتٸك جەلٸدە جۇرت ارىس قالاسىنداعى جويقىن جارىلىستان مەشٸتتٸڭ امان قالعانىن قىزۋ تالقىلاپ جاتىر, دەپ حابارلايدى Sputnik قازاقستان.

Instagram جەلٸسٸندەگٸ shymgramm پاراقشاسىندا جارييالانعان ۆيدەودا ارىستا مەشٸتتٸڭ جارىلىستان امان قالعانى ايتىلادى.

"مەشٸتتٸڭ بٸردە-بٸر ەينەگٸ سىنباپتى. ال اينالاسىنداعى ٷيلەردٸڭ ەينەگٸنە زاقىم كەلٸپتٸ. قۇدايدىڭ قۇدىرەتٸن قارا", - دەيدٸ ۆيدەوداعى ەر ازامات.

جەلٸ قولدانۋشىلارى ۆيدەونى قىزۋ تالقىلاپ, اللانىڭ قۇدٸرەتٸ شەكسٸز ەكەنٸن ايتىپ جاتىر.

وسى ورايدا بٸز ارىس قالاسى ورتالىق مەشٸتٸنٸڭ باس يمامى ابدۋكامان ابدۋكاريمگە حابارلاستىق. ول ۆيدەوداعى كادردا ىسقاق مەشٸتٸ بەينەلەنگەنٸن ايتادى. بٸراق باس يمام مەشٸتتٸڭ تەرەزٸ سىنعانىن اتاپ ٶتتٸ.

"بۇل مەشٸتتٸڭ قۇرىلىسى 1990 جىلدارى باستالىپ, 1994 جىلى بٸتكەن. اللانىڭ ٷيٸ حالىقتىڭ قولداۋىمەن اسارلاتىپ ساپالى سالىندى. جارىلىستان مەشٸتتٸڭ تەرەزەسٸ مەن ەسٸگٸ سىنعان. مەشٸتكە قاتتى زاقىم كەلمەگەن. ارىس ٶڭٸرٸندە جالپى 27 مەشٸت بار. ال قالاداعى مەشٸتتٸڭ سانى – 9. جارىلىستان 9 مەشٸتتٸڭ تەرەزەسٸ مەن ەسٸكتەرٸ سىندى", - دەيدٸ باس يمام.

سونداي-اق جويقىن جارىلىستان قالاداعى جالعىز پروۆوسلاۆ شٸركەۋٸ دە امان قالىپتى.

"شٸركەۋدٸڭ شاتىرى بٷلٸنگەن. بٸراق شٸركەۋگە قاتتى زاقىم كەلمەگەن. تاڭعالارلىق جاعداي. قۇدايدىڭ ارقاسى. شٸركەۋدٸڭ جانىندا مەكتەپ بار. ونداعى بارلىق تەرەزە قيراعان. شاتىرىنا قاتتى زاقىم كەلدٸ", - دەيدٸ شٸركەۋ قىزمەتكەرٸ ديونيسيي.

شىمكەنت قالاسىنىڭ باس يمامى باقتىباي بەيسەنباەۆ ارىستاعى مەشٸتتەردٸ جٶندەۋ مەسەلەسٸ الداعى ۋاقىتتا تالقىلاتىنىن جەتكٸزدٸ.

"جارىلىستان بٸرنەشە مەشٸتتٸڭ تەرەزٸ سىندى, ونى جٶندەۋ كەرەك. قازاقستان مۇسىلماندارى دٸني باسقارماسى بۇل مەسەلەنٸ قاراستىرادى", - دەدٸ ول.

ەڭگٸمە بارىسىندا باس يمام ارىس قالاسىنىڭ تۇرعىندارىنا قانداي كٶمەك كٶرسەتٸلٸپ جاتقانىن ايتتى.

"شىمكەنت قالاسىنا ارىستان كەلگەن 25 مىڭ ادام ورنالاستىرىلدى. يمامدار حالىقتى سابىرعا شاقىردى. قالا حالقى بارىنشا كٶمەكتەسٸپ جاتىر", - دەپ تٷيٸندەدٸ سٶزٸن باقتىباي بەيسەنباەۆ.