قورعانىس مينيسترٸنٸڭ ورىنباسارى تيمۋر داندىباەۆ ارىستا شامامەن قانشا جارىلىستىڭ بولعانىن مەلٸم ەتتٸ, دەپ حابارلايدى "ۇلت اقپارات".
«ەرتٷرلٸ باعالاۋ بويىنشا 30-عا تارتا... بٸراق, ول جەردە ەشكٸم ناقتى ساناعان جوق. بٸراق, ول جەردەگٸ قانشا وق-دەرٸگەرلٸڭ ساقتالعانىن ەسكەرە وتىرىپ, 40-50-دەن كەم بولمايتىن جارىلىستىڭ بولعانىن بولجاپ وتىرمىز», - دەدٸ تيمۋر داندىباەۆ وقك-دا ٶتكەن باسپاسٶز مەسليحاتىندا.
سپيكەردٸڭ ايتۋىنا قاراعاندا, قازٸرگٸ ۋاقىتتا ارىستاعى اپات ەلەمەنتتەرٸ بەينەلەنگەن ەرتٷرلٸ سيپاتتاعى اقپاراتتىق اعىن جٷرٸپ جاتىر.
«ول قويمادا ارتيللەرييالىق وق-دەرٸلەر, رەاكتيۆتٸ وق-دەرٸلەر, بەلسەندٸ زىمىراندى سناريادتار مەن گراناتومەتتار ساقتالعان. 1-3 وق-دەرٸنٸڭ ۇشۋ ۇزاقتىعى - ارتيللەرييالىق نەمەسە گراناتومەتتٸك بولسىن - 200 مەتردەي بولعان. ياعني, ەسكەري بٶلٸم اۋماعىن العان. تەك رەاكتيۆتٸ سناريادتار ۇشۋ ۇزاقتىعى جاعىنان 20 شاقىرىمعا دەيٸن شىرقاپ كەتكەن. بٸراق, ول سناريادتار جارىلماي, مەتالل زاتتار كٷيٸندە جان-جاققا شاشىراعان. الايدا جەرگە تٷسكەن كەزدە ادامداردى جارالاپ, تٸپتٸ ٶلتٸرٸپ كەتۋگە ەبدەن قاۋقارلى ەدٸ. مەسەلەن, قايتىس بولعان ازامات دەل وسىنداي جارىلىستىڭ ەپيتسەنترٸندە قالعان», - دەدٸ سپيكەر.
سونداي-اق, ول ستراتەگييالىق ارسەنال نەلٸكتەن ارىستاعى تۇرعىن ٷي كەشەنٸنە جاقىن ورنالاسقانىن تٷسٸندٸردٸ.
«قازٸرگٸ ۋاقىتتا بولعان وقيعاعا بايلانىستى جاۋاپكەرشٸلٸكتٸ بٸرەۋگە ارتىپ قويۋدى ويلاپ وتىرعان جوقپىز. دەسە دە, بولعان جاعدايعا شىنايى باعا بەرٸلۋٸ تيٸس. بٸز ارسەنال نەلٸكتەن تۇرعىن ٷي كەشەنٸنە جاقىن ورنالاستىرىلعان دەپ ايتپاۋىمىز كەرەك. تۇرعىن ٷي كەشەندەرٸنٸڭ كەڭەيٸپ, ٶسكەنٸ سونشالىق - 1930 جىلداردان بەرگٸ ارسەنالعا جاقىنداپ كەتكەنٸ ەسكەرٸلۋٸ تيٸس», - دەدٸ تيمۋر داندىباەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ول ٶز سٶزٸندە اتالمىش ارسەنال سوۆەت وداعى كەزٸندە ناقتى ستراتەگييالىق ماڭىزعا يە بولعانىن تٸلگە تيەك ەتتٸ.
«بٸراق, ول كەزدە ارىس شاعىن عانا اۋىل بولاتىن. قانداي دا بٸر تٶنٸپ تۇرعان قاۋٸپ تە جوق ەدٸ. ۋاقىت ٶتتٸ, ٶمٸر ٶزگەردٸ. ەلدٸ مەكەن كەڭەيە كەلە ستراتەگييالىق نىسانعا جاقىندادى. بٸز بۇل مەسەلە تۋرالى بٸرنەشە مەرتە ەسكەرتٸپ, تيٸستٸ ۇسىنىستاردى بەرگەن بولاتىنبىز. بٸراق, اينالىپ كەلگەندە مۇنىڭ بەرٸ ەلەۋمەتتٸك مەسەلەلەرگە بايلانىستى بولدى. ياعني, حالىقتى ول جەردەن كٶشٸرٸپ, قاۋٸپسٸز جەرگە ورنالاستىرۋ - بەلگٸلٸ بٸر قيىندىقتى, ەسٸرەسە قارجىلىق-ەكونوميكالىق كٷردەلٸلٸكتٸ تۋدىراتىن ەدٸ. وسىعان بايلانىستى كوميسسييا ٸستٸڭ اق-قاراسىن اجىراتار. كٸنەلٸ ادامدار تيٸستٸ جازاسىن الادى», - دەدٸ تيمۋر داندىباەۆ.
