ارىستاعى جارىلىس كەزٸندە اداسىپ قالعان بالالاردىڭ بارلىعى اتا-انالارىنا تاپسىرىلدى, دەپ حابارلايدى "ۇلت اقپارات".
«بالالارعا قاتىستى ايتارىم, ارىس قالاسىندا جارىلىس كەزٸندە بارلىق بالاباقشالاردان سەبيلەر ەۆاكۋاتسييالانعان بولاتىن. تۋعان-تۋىستارىندا, تانىستارىندا بولعان نەمەسە اداسىپ قالعان بالالاردىڭ بارلىعى تابىلىپ, اتا-انالارىنا تاپسىرىلدى. ارىز-شاعىم جوق», - دەدٸ ەرجان تۇرعىمباەۆ ٷكٸمەت وتىرىسىندا.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. اپات سالدارىنان ەكٸ ادام مەرت بولدى.
تٷركٸستان وبلىسىنا ارنايى بارعان قازاقستان پرەزيدەنتٸ قاسىم-جومارت توقاەۆ ارىستاعى ەسكەري بٶلٸمشەدەگٸ وق-دەرٸ قويماسىنداعى جارىلىستان زارداپ شەككەن قالا تۇرعىندارىمەن كەزدەسٸپ, قالانىڭ قالپىنا كەلتٸرٸلەتٸنٸنە ۋەدە بەردٸ.
