بٷگٸن ارىس قالاسىندا اتقارىلىپ جاتقان جۇمىستار, قالانىڭ قازٸرگٸ جاي-كٷيٸ تۋرالى بريفينگ ٶتتٸ. جيىندا شاھار باسشىسى مۇرات قادىربەك قۇرىلىس جۇمىستارى تالاپقا ساي جٷرگٸزٸلٸپ جاتقانىن مەلٸمدەدٸ, دەپ حابارلايدى وبلىس ەكٸمٸنٸڭ باسپاسٶز قىزمەتٸ.
«ارىس قالاسى كٷندەلٸكتٸ قالىپتى ٶمٸرگە ورالىپ كەلەدٸ. 3 مىڭنان استام قۇرىلىسشى جۇمىس ٸستەپ جاتىر. ولاردىڭ اراسىندا جەرگٸلٸكتٸ تۇرعىندار تارتىلعان. قازٸرگٸ تاڭدا 340-تاي ٷي جٶندەلدٸ. ٷكٸمەت تاراپىنان ارىستىڭ ەربٸر تۇرعىنىنا 100 مىڭ تەڭگە بەرۋ جٶنٸندە قاۋلى قابىلدانعان بولاتىن. قازٸردٸڭ ٶزٸندە ارىستىقتاردىڭ 90 پايىزدان استامى وسى كٶمەككە قۇجات تاپسىردى. تاياۋدا بارلىق تۇرعىننىڭ قۇجاتى جينالادى, ياعني, بۇل جۇمىس اياقتالۋعا جاقىن تۇر», - دەدٸ ول.
قر قورعانىس مينيسترلٸگٸنٸڭ ٶكٸلٸ قايىرگەلدٸ حۋساينوۆ قالا اۋماعى مەن ەسكەري قويمادان 20 شاقىرىم راديۋس قاشىقتىقتا تەكسەرۋ, تازالاۋ جۇمىستارى جٷرگٸزٸلٸپ جاتقانىن, رادياتسييا قاۋپٸ جوق ەكەنٸن باياندادى. سونىمەن بٸرگە قالادان 60 شاقىرىم قاشىقتىقتا وق-دەرٸلەردٸڭ جارىلماعان بٶلشەكتەرٸن جويۋ بويىنشا جوسپارلى جۇمىس اتقارىلۋدا. ساعات تاڭعى 9 بەن 18.00 ارالىعىندا جارىلىس دىبىستارى ەستٸلۋٸ مٷمكٸن جەنە ول تۇرعىندار ٷشٸن قاۋٸپسٸز ەكەنٸن جەتكٸزدٸ.
ال تٷركٸستان وبلىسى پوليتسييا دەپارتامەنتٸ ەكٸمشٸلٸك باسقارماسىنىڭ باسشىسى الماسحان تاستانبەكوۆ قالا اۋماعىندا تەرتٸپ ساقشىلارى تۇراقتى جۇمىس جٷرگٸزٸپ جاتقانىن, تۇرعىنداردىڭ قۇقىعىن قورعاۋ جەنە قوعامدىق قاۋٸپسٸزدٸكتٸ ساقتاۋ باعىتىندا جۇمىستار جولعا قويىلعانىن اتاپ ٶتتٸ. تۇرعىندارعا جالعان اقپارات تاراتۋ جەنە ارانداتۋ بويىنشا 10 ادام تەرگەلگەنٸن, دەلەلسٸز دەرەك تاراتۋ قىلمىس ەكەنٸن جەنە مۇنداي قىلمىسقا بارعاندار زاڭ الدىندا جاۋاپ بەرەتٸنٸن ايتتى.
