جارىلىس بولعان ارىس قالاسىنىڭ تۇرعىندارى بٷگٸن جاپپاي ٷيلەرٸنە ورالىپ جاتىر. كٷتپەگەن جەردەن تٶتەنشە جاعدايعا تاپ بولعان جۇرتتى قازٸر قانداي مەسەلەلەر مازالايتىنى بەلگٸلٸ بولدى, دەپ حابارلايدى قازاقپارات تٸلشٸسٸ.
ارىس قالاسىنىڭ تۇرعىنى اينۇر مۇراتبەكوۆانىڭ ايتۋىنشا, ونى ەڭ الدىمەن باسپاناسىنىڭ جاعدايى مازالايدى.
«ٷيٸمنٸڭ ەسٸگٸ مەن تەرەزەسٸ سىنعانىن بٸلدٸم, بٸرەۋلەردٸڭ ٷيٸ ٶرتەنٸپ كەتكەن دەپ جاتىر. ورتاسىنا تٷسپ كەتكەن دەپ ايتىلۋدا. ٷيدەن قاشقاندا قۇجاتتارىمدى دا الىپ ٷلگەرمەگەن ەدٸم, ونىڭ دا بار-جوقتىعىن بٸلمەي تۇرمىن. قالتامدا ازىن اۋلاق بولسا دا قاراجاتىم جوق. بارعاندا تىم بولماسا اس اۋقات الۋ دا مۇڭ بولىپ تۇر. بۇرىن ەسكەري بٶلٸمدە جۇمىس ٸستەيتٸن ەدٸم, كەيٸن قىسقارتىپ جٸبەردٸ. تويحاناعا جۇمىسقا تۇرعان ەم, ولار دا قيراپ جاتىر دەپ ەستٸدٸم. سوعان قاراعاندا جاقىن ارادا جۇمىسىم دا بولمايتىن سيياقتى. ٷيدە جالعىز ٶزٸم تۇراتىندىقتان سەنەتٸن ادامىم دا بولماي تۇر», - دەيدٸ اينۇر مۇراتبەكوۆا.
ال, جانسۇلۋ بايماحانوۆا ٶزٸنٸڭ بالالارىنا الاڭداپ وتىرعانىن ايتادى. ولارعا اس اۋقات تاۋىپ بەرۋ, جاتاتىن ورىن تابۋ جاعى جاس كەلٸنشەككە قيىندىق تۋعىزىپ وتىر ەكەن.
«بٸزدٸڭ ٷيٸمٸز ەسكەري بٶلٸمگە جاقىن جەرگە ورنالاسقان. ٸنٸم بارىپ كٶرگەن ەكەن, قيراپ قالىپتى. دۋالدارى كٶشٸپ, تەرەزەلەرٸ سىنىپ كەتٸپتٸ. باسقا باراتىن جەرٸمٸز جوق. ونىڭ ٷستٸنە اقشام دا جوق. كٸشكەنتاي سەبيٸمە تاماق تاۋىپ بەرۋٸم كەرەك», - دەيدٸ جانسۇلۋ بايماحانوۆا.
82 جاستاعى قارييا مىرزالى سيقىمباەۆتى دا باسپانا مەسەلەسٸ مازالايدى. زەينەتكەردٸڭ ايتۋىنشا, جارىلىس بولعاندا شىمكەنتتەگٸ تۋىستارىن پانالاپ كەتكەن. الايدا سەگٸز جان بٸر ٷيگە سىيماعاندىقتان, ەر كٷنٸ ەر تۋىسىنىڭ ٷيٸندە تٷنەگەن. بٷگٸن كٶشٸرٸپ جاتىر دەگەن سوڭع ارىسقا جەتۋگە اسىعىپ وتىر.
«بەرٸمٸز توقىرلاپ ەر ٷيدە قاشانعى جاتامىز. كەتەيٸك دەدٸم ارىسقا. بٷگٸن بۋىنىپ-تٷيٸنٸپ جولعا شىقتىق بالا-شاعامىزبەن. ٷيٸمٸز قانداي بولسا دا تازالاپ, كٸرٸپ الامىز. كٶمەك بولسا بولدى, بولماسا امالدايمىز دا», - دەيدٸ قارييا.
