تٷركٸستان وبلىسى ارىس قالاسىنداعى ەسكەري بٶلٸم قويماسىندا بولعان جارىلىسقا بايلانىستى قالا تۇرعىندارى ەۆاكۋاتسييالانىپ جاتىر. بۇل جايىندا قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ ايتتى, دەپ حابارلايدى قازاقپارات تٸلشٸسٸ.
«ارىس قالاسى ەكٸمٸنٸڭ ٶكٸمٸمەن حالىقتى ارىستان 50 شاقىرىم جەردەگٸ مونتايتاس اۋىلدىق وكرۋگٸنە ەۆاكۋاتسييالاۋ جٷرگٸزٸلٸپ جاتىر. بۇل ٷشٸن 20 اۆتوبۋس جۇمىلدىرىلدى. سونىمەن قاتار حالىقتى كٶشٸرۋ ٷشٸن شىمكەنت قالاسىنىڭ ەكٸمدٸگٸ 36 اۆتوبۋس جٸبەردٸ. شىمكەنت قالاسىندا 15 ەۆاكۋاتسييالاۋ بەكەتٸ قۇرىلدى. قازٸرگٸ ۋاقىتتا ارىستان 17 بالا جەتكٸزٸلٸپ, سامال-3 شاعىناۋدانىنداعى نازاربەكوۆ اتىنداعى №87 مەكتەپكە ورنالاستىرىلدى», - دەدٸ ول.
ونىڭ اتاپ ٶتۋٸنشە, وقيعا ورنىنا جۇمىلدىرىلعان ازاماتتىق قورعانىس كٷشتەرٸنٸڭ ٸس-قيمىلىن ٷيلەستٸرۋ ماقساتىندا ٶڭٸرگە قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر اتتانىپ كەتتٸ.
«ٶرتتٸ سٶندٸرۋگە تٷركٸستان وبلىستىق تجد ٶرت سٶندٸرۋ بٶلٸمشەسٸنٸڭ كٷشتەرٸ مەن قۇرال-جابدىقتارى, جەكە قۇرامنىڭ 75 مامانى مەن 16 تەحنيكاسى جۇمىلدىرىلدى. ٶرت ورنىنا قوسىمشا شىمكەنت قالالىق تجد-نىڭ 118 مامانى مەن 7 تەحنيكاسى جٸبەرٸلدٸ», - دەدٸ رەسمي ٶكٸل.
ن.نۇراحمەتوۆتٸڭ ايتۋىنشا, تٶتەنشە وقيعا ورنىندا قر ٸٸم بٶلٸمشەلەرٸنەن جەكە قۇرامنىڭ 463 مامانى مەن 53 تەحنيكاسى, ونىڭ ٸشٸندە ازاماتتىق قورعانىس ورگاندارىنىڭ 193 قىزمەتكەرٸ مەن 23 تەحنيكاسى, پوليتسييا بٶلٸمشەلەرٸنٸڭ 270 قىزمەتكەرٸ مەن 30 تەحنيكاسى جۇمىلدىرىلعان.
«تٶتەنشە جاعدايدى جويۋ جۇمىستارى جالعاسىپ جاتىر. قازٸرگٸ ۋاقىتتا زارداپ شەككەندەر تۋرالى اقپارات جوق», - دەدٸ ول.
ال تٷركٸستان وبلىسى ەكٸمدٸگٸنەن مەلٸم ەتكەندەي, قالا تۇرعىندارىن ەۆاكۋاتسييالاۋ ٷشٸن 3 لاگەر ۇيىمداستىرىلدى:
1. اقدالا بۇرىلىسى;
2. 41 رازەز
3. سۋ قورشاۋى.
«بارلىق ٷش باعىت بويىنشا ەسكەري كٶلٸكتەر, قوسبٸلٸكتٸ كامازدار, ارنايى وتريادتار قوزعالادى. وقيعا ورنىنا جەتكەننەن كەيٸن تۇرعىنداردى اۋدان ەكٸمدەرٸ قارسى الىپ, ورنالاستىرۋ لاگەرلەرٸنە بٶلەدٸ.
بارلىق ەلەۋمەتتٸك نىسانداردى (بالالار, اۋرۋحانالار) پوليتسييا قىزمەتكەرلەرٸ ەۆاكۋاتسييالايتىن بولادى.
ايتا كەتەرلٸگٸ, بٶگەن سۋ قويماسىنا ەشقانداي قاۋٸپ جوق, تيٸستٸ ماماندار جاعدايدى باقىلاۋعا الىپ وتىر.
سونىمەن قاتار وتىرار مەن ورداباسى اۋداندارىندا 100 ورىنعا ارنالعان قوسىمشا گوسپيتالدار تٸگٸلٸپ, 30 جەدەل جەردەم كٶلٸگٸ جۇمىس ٸستەۋدە», - دەلٸنگەن ەكٸمدٸك اقپاراتىندا.
