ارىس تۇرعىندارى 4 باعىتتا ەۆاكۋاتسييالانۋدا. بۇل تۋرالى قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ ايتتى, دەپ حابارلايدى قازاقپارات تٸلشٸسٸ.
"ارىس قالاسىنىڭ تۇرعىندارىن ەۆاكۋاتسييالاۋ تٶرت باعىتتا جٷرگٸزٸلٸپ جاتىر: شىمكەنت قالاسى, مونتايتاس ەلدٸ مەكەنٸ (30 شاقىرىم), قابىلساي ەلدٸ مەكەنٸ (25 شاقىرىم) جەنە شاعىر ەلدٸ مەكەنٸ (35 شاقىرىم). شىمكەنت قالاسىندا 15 ەۆاكۋاتسييالىق بەكەت قۇرىلىپ, ولارعا 170 ادام جەتكٸزٸلٸپ, ورنالاستىرىلدى. مونتايتاس ەلدٸ مەكەنٸندە 904 ادام تٸركەلگەن, ەۆاكۋاتسييالانعان حالىقتى تٸركەۋ (حالىق تٸركەۋ ٷشٸن 3 جەدەل توپ قۇرىلىپ, جٸبەرٸلدٸ) جالعاسىپ جاتىر", - دەدٸ ول.
ونىڭ دەرەگٸنشە, حالىقتى ەۆاكۋاتسييالاۋ جۇمىستارىنا تٷركٸستان وبلىستىق, شىمكەنت قالالىق تٶتەنشە جاعدايلار قىزمەتٸ, پوليتسييا دەپارتامەنتتەرٸ مەن جەرگٸلٸكتٸ اتقارۋشى ورگانداردىڭ كٷشتەرٸ مەن قۇرالدارى جۇمىلدىرىلعان. ەۆاكۋاتسييالانعان حالىققا اۋىز سۋ جەتكٸزٸلٸپ جاتىر. ارىس قالاسى تۇرعىندارىن قۇلاقتاندىرۋ ٷشٸن 2 حابارلاندىرۋ جٷيەسٸ ٸسكە قوسىلعان.
ارىستا پوليتسييا قىزمەتكەرلەرٸ قوعامدىق تەرتٸپتٸ قورعاۋ جەنە ەۆاكۋاتسييالانعان حالىقتىڭ دٷنيە-مٷلكٸن قورعاۋعا جۇمىلدىرىلعان. سونىمەن قاتار قۇقىق قورعاۋ ورگاندارىنىڭ قىزمەتكەرلەرٸ وقيعا ورىن العان جەردٸ وقشاۋلاۋ جۇمىستارىن جٷرگٸزٸپ, حالىقتى ارىس قالاسىنان شىعارۋ شارالارىنا دا قولعابىس تيٸگٸزٸپ جاتىر. مۇنان بٶلەك, ارىستاعى قوعامدىق تەرتٸپتٸ قورعاۋعا شىمكەنت قالاسىنداعى قر ٸٸم ۇلتتىق گۆارديياسى ەسكەري بٶلٸمٸنٸڭ 500 جاۋىنگەرٸ جٸبەرٸلگەن. تٶتەنشە وقيعا ورىن العان جەرگە ٸٸم مەن جەرگٸلٸكتٸ اتقارۋشى ورگانداردىڭ شامامەن 1000 مامانى مەن 160 تەحنيكاسى شوعىرلاندىرىلعان. تاراز قالاسىنىڭ تجك "قازاۆياقۇتقارۋ" اق-نىڭ ەۆروكوپتەر ەC-145 تٸكۇشاعى دا قاجەت كەزدە كٶمەك كٶرسەتۋگە دايىن تۇر.
"ازاماتتىق قورعانىس كٷشتەرٸنٸڭ ٸس-قيمىلدارىن ٷيلەستٸرۋ ٷشٸن وقيعا ورنىندا قر ٸٸم تجك تٶراعاسى, گەنەرال مايور ۆ.بەككەر, "وڭتٷستٸك" ٶڭٸرلٸك قولباسشىلىعى قولباسشىسىنىڭ بٸرٸنشٸ ورىنباسارى-شتاب باستىعى ا.قاسكەلەنوۆ, قر ٸٸم تەرگەۋ دەپارتامەنتٸ باستىعىنىڭ ورىنباسارى پولكوۆنيك ك.نۇرماعامبەتوۆ جٷر", - دەدٸ ن.نۇراحمەتوۆ.
رەسمي ٶكٸل دەرەگٸنشە, رەسپۋبليكا بويىنشا ارنايى قۇرىلعان قاۋىرت جەلٸگە حالىقتان 878 قوڭىراۋ, ونىڭ ٸشٸندە تجك شتابى قاۋىرت جەلٸسٸنە 28 قوڭىراۋ تٷسٸپ, ولار دەر ۋاقىتىندا شىمكەنت قالاسىنداعى تجد شتابىنا بەرٸلگەن.
"ارىس قالاسىندا ورىن العان وقيعا بايلانىستى تٷركٸستان وبلىسىندا قاۋىرت جەلٸ جۇمىس ٸستەپ تۇر: شىمكەنت قالالىق تج دەپارتامەنتٸندە 8(7252)44-94-72, 35-33-66, تٷركٸستان وبلىستىق تج دەپارتامەنتٸندە: 8(7253)35-83-02, ٸٸم تٶتەنشە جاعدايلار كوميتەتٸندە 8(7172)53-32-84, 53-32-79. اتالعان نٶمٸرلەر ارقىلى ٶزٸڭٸزگە قاجەتتٸ اقپاراتتاردى تەۋلٸك بويى الا الاسىزدار", - دەدٸ ول.
