بٷگٸن تٷركٸستان وبلىسى ەكٸمدٸگٸندە ٶتكەن اپپاراتتىق مەجٸلٸستە ارىس قالاسىن قالپىنا كەلتٸرۋ جۇمىستارى تالقىلاندى, دەپ حابارلايدى "ۇلت اقپارات".
وبلىس ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكەن جيىندا ارىستاعى جارامسىز دەپ تانىلعان 402 ٷيدٸڭ قۇرىلىسى تولىق اياقتالعانى مەلٸم بولدى.
سالا ماماندارىنىڭ زەرتتەۋ-زەردەلەۋ نەتيجەسٸندە تۇرۋعا جارامسىز دەپ تانىلىپ, كٷرەلٸپ تاستالعان 72 ٷي ەلٸ سالىنىپ جاتىر. نۇر-سۇلتان مەن شىمكەنت قالالارىنا تيەسٸلٸ بۇل نىسانداردا قۇرىلىسشىلار ەكٸ اۋىسىمدىق جۇمىسقا اۋىسىپ, ٸستەۋدە.
سونداي-اق, جينالىستا وبلىس ەكٸمٸنٸڭ تٸكەلەي تاپسىرماسىمەن جٷرٸپ جاتقان تٷركٸستان قالاسىن كٶگالداندىرۋ جۇمىستارىنا قاتىستى اۋقىمدى شارالار تالقىلاندى. سوڭعى مەلٸمەتتەرگە سەيكەس, قالانىڭ اۋماعىن قوقىستان تازارتۋ مەن كٶشە بويلارىن جەنە ارىق-اتىزداردى قالپىنا كەلتٸرۋ ماقساتىندا ۇيىمداستىرىلعان سەنبٸلٸككە وبلىستىڭ 16 اۋدان-قالاسىنان مىڭداعان ادام قاتىسقان.
وسى رەتتە ايماق باسشىسى ٶمٸرزاق شٶكەەۆ اتالعان شاراعا بارلىق ەكٸمدٸك پەن باسقارما قىزمەتكەرلەرٸنٸڭ تولىق اتسالىسۋىن تاپسىردى. بٷگٸنگٸ تاڭدا وبلىس ورتالىعىنىڭ اۋماعىندا ەكٸمشٸلٸك تاراپىنان 50 مىڭعا جۋىق كٶشەت وتىرعىزىلعان. ولاردى تۇراقتى سۋعارىپ تۇرۋ ٷشٸن 268 سۋ ۇڭعىماسىن سالۋ كٶزدەلگەن.
اپپارات مەجٸلٸسٸندە سونىمەن قاتار وبلىستاعى اۋىل شارۋاشىلىعى سالالارىنىڭ 9 ايلىق جۇمىس قورىتىندىسى دا سٶز بولدى. سوڭعى كٶرسەتكٸشتەر بويىنشا, ٶڭٸردەگٸ جالپى ٶنٸم كٶلەمٸنٸڭ يندەكسٸ مەن تاماق ٶنٸمدەرٸ ٶندٸرٸسٸنٸڭ نەگٸزگٸ كاپيتالعا تارتىلعان ينۆەستيتسييالاردىڭ ناقتى كٶلەمٸ, ٸرٸ قارا مەن ۇساق مٷيٸزدٸ مال باسىنىڭ ٷلەسٸ سەكٸلدٸ دامۋ ينديكاتورلارىنىڭ ورىندالۋى بارىسى سٶز بولدى. بۇل باعىتتا تٷركٸستان وبلىسى جاقسى جەتٸستٸكتەرگە قول جەتكٸزگەن.
اۋىل شارۋاشىلىعى نەگٸزگٸ كاپتيتالعا تارتىلعان ينۆەستيتسييالاردىڭ كٶلەمٸ جاعىنان دا رەسپۋبليكا بويىنشا العاشقى ورىندا.
جينالىستى قورتىندىلاعان ٶمٸرزاق شٶكەەۆ جاۋاپتى ماماندارعا ماقتا قۇنىنا بايلانىستى تۋىنداعان مەسەلەنٸ تەز ارادا شەشۋدٸ تاپسىردى.
ايتا كەتەيٸك, وبلىستا ماقتاارال, جەتٸساي, شاردارا اۋداندارىندا تۇراتىن 300 مىڭنان استام حالىق ماقتا شارۋاشىلىعىمەن اينالىسادى. بٷگٸندە بۇل اۋدانداردا 18 ماقتا ٶڭدەۋ زاۋىتى جۇمىس ٸستەپ تۇر.
