Búgin Túrkistan oblysy ákimdiginde ótken apparattyq májiliste Arys qalasyn qalpyna keltirý jumystary talqylandy, dep habarlaidy "Ult aqparat".
Oblys ákimi Ómirzaq Shókeevtiń tóraǵalyǵymen ótken jiynda Arystaǵy jaramsyz dep tanylǵan 402 úidiń qurylysy tolyq aiaqtalǵany málim boldy.
Sala mamandarynyń zertteý-zerdeleý nátijesinde turýǵa jaramsyz dep tanylyp, kúrelip tastalǵan 72 úi áli salynyp jatyr. Nur-Sultan men Shymkent qalalaryna tiesili bul nysandarda qurylysshylar eki aýysymdyq jumysqa aýysyp, isteýde.
Sondai-aq, jinalysta oblys ákiminiń tikelei tapsyrmasymen júrip jatqan Túrkistan qalasyn kógaldandyrý jumystaryna qatysty aýqymdy sharalar talqylandy. Sońǵy málimetterge sáikes, qalanyń aýmaǵyn qoqystan tazartý men kóshe boilaryn jáne aryq-atyzdardy qalpyna keltirý maqsatynda uiymdastyrylǵan senbilikke oblystyń 16 aýdan-qalasynan myńdaǵan adam qatysqan.
Osy rette aimaq basshysy Ómirzaq Shókeev atalǵan sharaǵa barlyq ákimdik pen basqarma qyzmetkerleriniń tolyq atsalysýyn tapsyrdy. Búgingi tańda oblys ortalyǵynyń aýmaǵynda ákimshilik tarapynan 50 myńǵa jýyq kóshet otyrǵyzylǵan. Olardy turaqty sýǵaryp turý úshin 268 sý uńǵymasyn salý kózdelgen.
Apparat májilisinde sonymen qatar oblystaǵy aýyl sharýashylyǵy salalarynyń 9 ailyq jumys qorytyndysy da sóz boldy. Sońǵy kórsetkishter boiynsha, óńirdegi jalpy ónim kóleminiń indeksi men tamaq ónimderi óndirisiniń negizgi kapitalǵa tartylǵan investitsiialardyń naqty kólemi, iri qara men usaq múiizdi mal basynyń úlesi sekildi damý indikatorlarynyń oryndalýy barysy sóz boldy. Bul baǵytta Túrkistan oblysy jaqsy jetistikterge qol jetkizgen.
Aýyl sharýashylyǵy negizgi kaptitalǵa tartylǵan investitsiialardyń kólemi jaǵynan da respýblika boiynsha alǵashqy orynda.
Jinalysty qortyndylaǵan Ómirzaq Shókeev jaýapty mamandarǵa maqta qunyna bailanysty týyndaǵan máseleni tez arada sheshýdi tapsyrdy.
Aita keteiik, oblysta Maqtaaral, Jetisai, Shardara aýdandarynda turatyn 300 myńnan astam halyq maqta sharýashylyǵymen ainalysady. Búginde bul aýdandarda 18 maqta óńdeý zaýyty jumys istep tur.
