ارىس قالاسىندا تٶرت ەسكەري قىزمەتشٸ جارالاندى, دەپ حابارلايدى "ۇلت اقپارات" قر قورعانىس مينيسترلٸگٸنە سٸلتەمە جاساپ.
«بٷگٸن ارىس قالاسىنىڭ اۋماعىندا ەسكەري قىزمەتشٸلەر قويما اۋماعىن وق-دەرٸنٸڭ بٶلشەكتەرٸنەن تازارتۋعا قاتىستى جوسپارلى جۇمىستى جٷرگٸزۋ كەزٸندە قوپارىلىس بولدى. تٶتەنشە جاعدايدان كەيٸنگٸ جويۋ جۇمىستارىن جٷرگٸزگەن 4 كەلٸسٸم-شارت ەسكەري قىزمەتشٸسٸ جاراقات الدى. ولاردىڭ بارلىعى ەسكەري بورتپەن الماتى قالاسىنداعى قورعانىس مينيسترلٸگٸنٸڭ ەسكەري كلينيكالىق گوسپيتالٸنە جەتكٸزٸلدٸ», دەلٸنگەن حابارلامادا.
مينيسترلٸكتٸڭ باسپاسٶز قىزمەتٸنٸڭ مەلٸمەتٸنشە, وسى وقيعا بويىنشا ەسكەري پوليتسييا تەكسەرۋ جٷرگٸزٸپ جاتىر. سونداي-اق ولار تۇرعىندارعا كەلەر قاۋٸپ جوق ەكەندٸگٸن قاپەرگە سالدى.
«تۇرعىندارعا ەشقانداي قاۋٸپ جوق, جاعداي تولىق باقىلاۋعا الىنعان. ەسكە سالا كەتسەك, قالا اۋماعىن جەنە وق-دەرٸنٸ ساقتاۋ نىساندارىنا جاقىن اۋماقتاردى تازارتقاننان سوڭ وق-دەرٸلەردٸڭ نەگٸزگٸ بٶلٸكتەرٸ ەسكەر بٶلٸم اۋماعىندا تۇر, تۇرعىندارعا ەشقانداي قاۋٸپ تٶنٸپ تۇرعان جوق. سونىمەن بٸرگە, ەسكەري بٶلٸمدەگٸ ەسكەري قىزمەتشٸلەردٸڭ وق-دەرٸ بٶلٸكتەرٸن جيناۋ جەنە جويۋ جۇمىستارىنا بەلگٸلٸ بٸر ۋاقىت كەرەك. وسىعان بايلانىستى قورعانىس مينيسترلٸگٸ رەسمي مەلٸمەت تاراتۋشى ورگاندارعا سەنٸپ, راستالماعان اقپاراتتى تاراتپاۋدى سۇرايدى», دەلٸنگەن حابارلامادا.
سونداي-اق قورعانىس مينيسترلٸگٸ تۇرعىندارعا كٷدٸكتٸ زاتتاردى تاۋىپ العان جاعدايدا دەرەۋ 102 نٶمٸرٸنە حابارلاسۋدى, ەرٸ ٶز بەتٸنشە ەشقانداي ەرەكەت جاساماۋ كەرەكتٸگٸن ەسكەرتەدٸ.
