ارىس قالاسىن جارىلعىش زاتتاردان تٷگەلدەي تازارتۋ جۇمىستارى جالعاسۋدا. بۇل تۋرالى ارىس قالاسى ەكٸمدٸگٸنٸڭ مەجٸلٸس زالىندا ٶتكەن بريفينگتە قر قورعانىس مينيسترلٸگٸنٸڭ ٶكٸلٸ ەرمييان بياتوۆ مەلٸمدەدٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
ونىڭ سٶزٸنشە, قازٸرگٸ تاڭدا تۇرعىندارعا ەشقانداي قاۋٸپ جوق.
جۋرناليستەردٸڭ سۇراعىنا جاۋاپ بەرگەن قر قورعانىس مينيسترٸلگٸنٸڭ ٶكٸلٸ, ارىس قالاسىنىڭ تۇرعىندارىنان قوڭىراۋلار تولاسسىز كەلٸپ تٷسٸپ جاتقانىن جەتكٸزدٸ.
«جالپى, بٷگٸنگٸ تاڭعا دەيٸن 30 700 جارىلعىش وق-دەرٸ بٶلشەكتەرٸ تابىلعان. قازٸرگٸ ۋاقىتتا وسى تابىلعان فراگمەنتتەر قالادان 60 شاقىرىم تىسقارى ورنالاسقان ارنايى پوليگونعا جەتكٸزٸلگەن. الداعى ۋاقىتتا ونىڭ بارلىعى جويىلادى. ياعني, ادام ٶمٸرٸنە قاۋٸپتٸ ەمەس» - دەدٸ ە. بياتوۆ.
ەلٸ دە جارىلىسقا بايلانىستى قىزمەتتٸك تەكسەرٸس جٷرٸپ جاتقانىن جەتكٸزگەن جاۋاپتى باسشىلار وق-دەرٸ ساقتالعان قويمانىڭ كٶشٸرٸلەتٸنٸن تاعى دا ايتىپ ٶتتٸ.
ايتا كەتەرلٸگٸ, 17 سەكتور بويىنشا بارلىق ٷيلەر جٶندەلۋدە. باسپانالاردىڭ بٷلٸنگەن شاتىرىنان باستاپ, جارىلعان قابىرعالار مەن سىنعان تەرەزەلەر قالپىنا كەلتٸرٸلۋدە. قوسىمشا سەكتورلارعا بٶلٸنگەن قىزمەتكەرلەر اقاۋ اكتٸلەرٸن تٷزۋمەن اينالىسۋدا. وبلىس پەن اۋدانداردان 1500-دەن استام قۇرىلىسشى جۇمىلدىرىلعان.
بٷگٸنگٸ تاڭدا 700-دەن استام تۇرعىن ٷيدە جٶندەۋ جۇمىستارى باستالعان. 4 شٸلدەدەگٸ اقپارات بويىنشا, ارىس قالاسىندا 181 ٷيدٸڭ اقاۋلارى تولىعىمەن قالپىنا كەلگەن. بۇل باعىتتا جۇمىستار جالعاسۋدا.
ارىس قالاسىنىڭ ەكٸمٸ مۇرات قادٸربەكتٸڭ مەلٸمەتٸنشە, بٷگٸنگٸ كٷنٸ شاھاردا تۇرعىندار كٷندەلٸكتٸ تٸرشٸلٸگٸنە قايتا ورالۋ ٷشٸن بارلىق جاعداي جاسالعان. قالانىڭ ٸشٸندە 30 شاقتى دٷكەن جۇمىسىن باستادى. 4 ناۋبايحانا سۇرانىسقا ساي نان پٸسٸرٸپ, قىزمەتٸنە كٸرٸسكەن. اۆتوپاركتەر دە تولىعىمەن جۇمىستارىن اتقارۋدا. سونىمەن قاتار, جەرگٸلٸكتٸ حالىق اتاۋلى ەلەۋمەتتٸك كٶمەك, جالاقى, زەينەتاقى سىندى تٶلەمدەردٸ تٷگەل الۋدا.
