اقمولا وبلىسىنىڭ پوليتسەيلەرٸ ارىستان كەلگەن بالالارعا كٶكشەتاۋ قالاسىنىڭ كٶرٸكتٸ جەرلەرٸنە ساياحات ۇيىمداستىردى, دەپ حابارلايدى "قازاقپارات" وبلىستىق پد باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, شٸلدەنٸڭ 10-ى كٷنٸندە «زۆەزدنىي» بالالاردى ساۋىقتىرۋ ورتالىعىندا دەمالىپ جاتقان ارىستان كەلگەن 20 بالا پوليتسييانىڭ باستاماسىمەن كٶكشەتاۋ قالاسىندا بولىپ, ٶڭٸرٸنٸڭ كٶرٸكتٸ جەرلەرٸ مەن تاريحى ورىندارىن ارالاپ كٶردٸ.
«ەكسكۋرسييا تەڭدەسسٸز تاريحي ەسكەرتكٸشتەرٸ ساقتالعان كٶكشەتاۋ قالاسىنىڭ تاريحي مۇراجايىن ارالاۋدان باستالدى. مۇراجاي قىزمەتكەرلەرٸنٸڭ سٶزٸنشە, عيماراتتىڭ بۇقپا تاۋىنىڭ ٸرگەسٸندە ورنالاسۋىنىڭ ٶزٸندٸك تاريحى بار, ياعني, 19-شى عاسىردىڭ العاشقى شيرەگٸندە وسى جەردە كٶكشەتاۋ قالاسىنىڭ ٸرگەسٸ قالانا باستاعان. كٸشكەنتاي مەيماندار كٶكشەتاۋ قالاسى قۇرىلعان ۋاقىتتان باستاپ, بٷگٸنگٸ كٷنگە دەيٸنگٸ تاريحي جەدٸگەرلەرمەن تانىسۋ مٷمكٸندٸگٸن الدى», - دەپ ايتتى ۆەدومستۆودان.
سونىمەن قاتار, كٶكشەتاۋ قالاسىنىڭ كٶرٸكتٸ جەرلەرٸندە بولدى.
«بۇقپا تاۋىنىڭ باۋرايىنداعى باقىلاۋ الاڭىندا, اقمولا وبلىستىق پد مۇراجايىندا بولدى. 1919 جىلدان باستاۋ الاتىن پوليتسييا قىزمەتٸنٸڭ تاريحىمەن تانىستى. مۇراجاي قورىندا 5600-دەن استام جەدٸگەر ساقتالعان», - دەيدٸ پد باسپاسٶز قىزمەتٸندەگٸلەر.
ساياحات بارىسىندا بالالارعا ەستەلٸك سىيلىقتار تاپسىرىلدى. پوليتسييا قىزمەتكەرلەرٸ «دينامو» دەنە شىنىقتىرۋ سپورت ۇيىمىمەن بٸرلەسٸپ, بالالارعا سپورتتىق جابدىقتار سىيلادى. ال, ساياحات سوڭىندا كٸشكەنتاي مەيماندارعا بالمۇزداقتار ٷلەستٸردٸ.
«بٸز بالالاردىڭ كٶكشەتاۋ قالاسى مەن بۋراباي كۋرورتىندا بولعانىندا جاقسى ەسەر الۋى ٷشٸن بارلىق جاعداي جاسادىق. ٶزٸمٸزدە ەرەكشە ەسەرلٸ كٷيدە بولدىق», - دەيدٸ پد جپقب يۋۆەنالدى پوليتسييا توبىنىڭ اعا ينسپەكتورى, پوليتسييا مايورى ايناگٷل قۋاندىقوۆا.
ايتا كەتەيٸك, اقمولا وبلىسىنىڭ پوليتسەيلەرٸ العاشقىلاردىڭ بٸرٸ بولىپ ارىس تۇرعىندارىنا بٸر كٷندٸك ەڭبەكاقىلارىن, ياعني, 5 ميلليون تەڭگەدەن استام قاراجات بٶلدٸ. ٸشكٸ ٸستەر ورگاندارى مەن ۇلتتىق گۆاردييا ارداگەرلەرٸ كەڭەسٸنٸڭ قورى جارتى ميلليون تەڭگە اۋداردى. سونىمەن قاتار, ٶڭٸر پوليتسەيلەرٸ اقمولا وبلىسىنىڭ لاگەرلەرٸ مەن بالالاردى ساۋىقتىرۋ ورتالىقتارىندا دەمالىپ جاتقان ارىس بالالارىنىڭ قاۋٸپسٸزدٸگٸن قامتاماسىز ەتۋدە.
